Бахшида ба Иди байналмилалии Наврӯз бо иқдоми Бахши кор бо ҷавонон ва варзиши ноҳияи Дарвоз байни ҷавонону наврасони ноҳия мусобиқаи велосипедронӣ гузаронида шуд.

Тавре Хуршед Ғаффоров, сармутахассиси бахш иттилоъ дод, дар мусобиқа зиёда аз 33 нафар ширкат дошта, беҳтарин велосипедронон бо ифтихорнома ва медалу туҳфаҳои гуногун қадрдонӣ гаштанд.

Ҳамин гуна, аз байни хонандагони синфҳои 6, 7 ва 8 ҷои аввалро Шаҳром Шириншоев аз МТМУ №1 гирифта, Суҳроб Саноев аз МТМУ – и №40 зинаи дуюмро соҳиб шуд. Умар Худоиев хонандаи МТМУ № 1 бошад ҷойи сеюмро ишғол кард.

Ҳамчунин миёни толибилмони синфҳои 2, 3, 4, 5 ҷои якумро Иброҳими Дилшод аз МТМУ №40 ба даст оварда, Худобахши Нуралӣ ва Исмоил Баҳромов толибилмони МТМУ №1 зинаҳои дуюму сеюмро гирифтанд.