Санаи 7-уми октябр, дар толори варзишии “Далерон”-и шаҳри Истаравшан мусобиқаи вилоятӣ оид ба намуди гӯштини юнонӣ- румӣ байни наврасони соли таваллудашон 2004-2006 доир гардид.

Мусобиқа бахшида ба солҳои 2019-2021 “Солҳои рушди деҳот, сайёҳӣ ва ҳунарҳои мардумӣ” гузаронида шуда, дар он зиёда аз 120 нафар варзишгар дар 10 вазн қувваозмоӣ намуда, 20 варзишгар ба қисми финалӣ роҳхат гирифтанд.

Дар қисми финалии мусобиқа мудири Бахши кор бо ҷавонон ва варзиши шаҳр Ҳотамов Аскар баромад намуда, табрикоти раиси шаҳр Амирхон Қурбонзодаро ба иштирокчиён қироат намуд. Ӯ гуфт: “Аз ғолибони мусобиқа дастаи мунтахаби вилояти Суғд ташкил мешавад”.