Дастаи яккачини наврасони кишвар оид ба футбол (U-17) бозии дуюми худро дар мусобиқаи байналмилалии “Ҷоми пешрафт-2019” бо тими наврасони Белгия мусовӣ 1-1 кард.

Ин дидор 22-уми январ дар шаҳри Мински Ҷумҳурии Белорусия доир шуд.

Дастпарварони Зайниддин Раҳимов аввалин шуда, дар дақиқаи 13-ум дастаашонро ба пеш бароварда, голро Ислом Зоиров вориди дарвозаи рақиб намуд. Наврасони мо дар қисми дуюм муқобили Белгия даҳ нафарра бозиро анҷом доданд. Амадони Камолов бо гирифтани дуюм корти зард майдонро тарк кард. Михез футболбози белгиягӣ дар дақиқаи 51-ум ба дарвозаи Муҳриддин Ҳасанов голи ҷавобиро зад.

Дар “Ҷоми рушд-2019” 12 дастаи мунтахаби наврасони то 17- сола иштирок доранд.

Бар асоси қуръакашӣ дар гурӯҳи “А” мунтахаби наврасони Тоҷикистон, Беларус, Белгия ва Финландия ворид шудаанд. Дар гуруҳи “В” дастаҳои мунтахаби Исландия, Исроил, Молдова ва Гурҷистон ва тимҳои Украина, Словакия, Булғористон ва Литва дар гурӯҳи “С” шомиланд.

Дар асоси низомномаи мусобиқа дастаҳое, ки дар се гурӯҳ ҷои аввалро ишғол менамоянд, инчунин беҳтарин дастаи ҷои дуюми гурӯҳҳо барои ҷом талош мекунанд. Ду дастаи дигари ҷои дуюми гурӯҳҳо ҳамроҳ бо ду дастаи беҳтарини гурӯҳҳо, ки ҷои сеюмро ишғол мекунанд, барои ҷойҳои 5-8 бозӣ мекунанд. Дастаҳои ҷои чорум ва дастаи ҷои сеюми гурӯҳҳо бозиро барои ҷойҳои 9-12 идома медиҳанд.

Мусобиқа барои дастаи мунтахаби наврасони Тоҷикистон (U-17) яке аз марҳилаҳои омодагӣ ба чемпионати ҷаҳон-2019 ба ҳисоб меравад, ки 5-27 октябр дар кишвари Перу баргузор мешавад.