Тими мунтахаби наврасони то 16-солаи кишвар оид ба футбол дар доираи омодагӣ ба марҳилаи ниҳоии қаҳрамонии Осиё-2018 аввалин рақобати худро дар мусобиқаи байналмилалӣ, ки дар кишвари Сербия ҷараён дорад, бо соҳибони майдон баргузор намуд.

Дидори мазкур, 9-уми май, дар шаҳрчаи Стара-Пазоваи наздики Белград доир гардида, бо ҳисоби мусовӣ 1-1 хотима ёфт. Голи тими Тоҷикистонро Рустам Соиров ба сомон расонд.

Бозии дигари ин мусобиқа миёни дастаҳои Ҳиндустон ва Урдун баргузор шуда, бо ҳисоби 2-1 хотима ёфт.

Шогирдони Зайниддин Раҳимов, сармураббии тими наврасони Тоҷикистон оид ба футбол дар даври дуюм 11-уми май бо тими Урдун рақобат намуда, дар марҳилаи охирин 13-уми май бо дастаи Ҳиндустон вориди сабқат мешаванд.

Ёдовар мешавем, ки марҳилаи ниҳоии чемпионати Осиё-2018 оид ба футбол, аз 20-уми сентябр то 7-уми октябри соли ҷорӣ дар давлати Малайзия баргузор мегардад. Наврасони то 16-солаи Тоҷикистон дар гурӯҳи “А” бо ҳамсолони худ тимҳои Малайзия, Ҷопон ва Таиланд мубориза мебаранд.

                                               Б          Ғ         М         Б          М/Т     Х

1.         Ҳиндустон (U-16)      1          1          0          0          2-1       3

2.         Тоҷикистон (U-16)     1          0          1          0          1-1       1

3.         Сербия (U-16)           1          0          1          0          1-1       1

4.         Урдун (U-16)              1          0          0          1          1-2       0

Бозиҳои мусобиқаи байналмилалӣ

Даври 2-ум, 11 май (ҷумъа)

19:00 – Тоҷикистон – Урдун

22:00 – Сербия – Ҳиндустон

Даври 3-ум,13 май (якшанбе)

19:00 – Ҳиндустон – Тоҷикистон

22:00 – Сербия – Урдун

Оғози бозиҳо бо вақти Душанбе