ВАРЗИШ
Шанбе 13 Апрел 2024 05:45
10003
Дастаи мунтахаби Тоҷикистон оид ба футбол пас аз баромади бомуваффақият дар қисми ниҳоии Ҷоми Осиё-2023 дар раддабандии Федератсияи байналмилалии футбол (FIFA) ба таври назаррас боло баромад.

Дар ин бора Федератсияи футболи Тоҷикистон хабар додааст.

Бино ба иттилоъ, дар раддабандии нави FIFA тими миллии Тоҷикистон 7 зина боло баромада, дар ҷойи 99-ум қарор гирифт ва ин натиҷаи беҳтарин дар таърихи тими миллӣ оид ба футбол дониста мешавад.

Ёдовар мешавем, ки дар Ҷоми Осиё-2023 дар Доҳа мунтахаби Тоҷикистон панҷ бозӣ анҷом дод.

Дастаи мунтахаби Тоҷикистон дар марҳилаи гурӯҳии мусобиқот бо Чин мусовӣ (0:0) карда, аз Қатар шикаст хӯрд (0:1) ва бар Лубнон (2:1) зафар ёфт. Дар даври 1/8 ниҳоӣ мунтахаби Тоҷикистон бар тими Амороти Муттаҳидаи Араб (1:1, 5:3 аз рӯйи зарбаҳои ёздаҳметра) ғолиб омада, дар даври чорякниҳоӣ аз дастаи Урдун (0:1) ноком гардид.

Тими миллии Тоҷикистон пас аз баромади бобарор дар Ҷоми Осиё-2023 соҳиби 23,82 имтиёз шуд ва ҳоло 1218,89 имтиёзро соҳиб аст. Ҳоло миёни намояндагони КФО тими миллии мо дар зинаи 16-ум қарор дорад.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.