Дар ҷамоати Рустамбек Юсуфбекови ноҳияи Ишкошим бо ширкати раиси ноҳия Зикрихудо Самадзода ба ифтихори Иди байналмилалии Наврӯз чорабиниҳои фарҳангӣ - варзишӣ баргузор шуданд.

Нахуст роҳбарияти ноҳия ва мудири Бахши кор бо ҷавонон ва варзиши ноҳия Гулнора Шердилова аз намоишгоҳи ҳунарҳои мардумии сокинони ҷамоатҳои ноҳия дидан карда, баҳри дар сатҳи баланд ташкил намудани он ба бошандагон миннатдорӣ изҳор карданд.

Пас аз намоишгоҳ чорабиниҳои варзишӣ аз намуди волейбол, гӯштини миллӣ ва тенниси рӯи миз бо иқдоми бахш ташкил гардида, ғолибон бо Ҷом, мукофотпулӣ ва дигар туҳфаҳо қадрдонӣ шуда, дар охир барномаи рангини консертӣ аз тарафи ҳофизону ҳаваскорони ноҳия пешкаши ҳозирин гардид.