23-28 ноябр дар шаҳри Пунаи Ҳиндустон Чемпионати ҷаҳон оид ба кураш баргузор гардид, ки дар он варзишгари тоҷик Наврӯзи Каримзод дар вазни -73кг ба гирифтани медали биринҷӣ мушарраф шуд.

Дар ин бора Кумитаи миллии олимпии Тоҷикистон хабар дод.

Бояд қайд кард, ки дар мусобиқа варзишгарон аз 60 давлат ширкат намуданд. Дар баробари Наврӯзи Каримзод Тоҷикистонро 2 варзишгари дигар- Муҳаммадризо Қувватов (-60кг) ва Фаррух Маҳмудов (-81кг) намояндагӣ карданд.

Муҳаммадризо Қувватов ва Фаррух Маҳмудов то даври чорякфинал баромаданд, вале дар рақобат барои роҳ ёфтан ба нимфинал аз ҳарифонашон мағлуб шуданд.