ВАРЗИШ
Душанбе 15 Апрел 2024 05:37
9657
3 сентябр дар мавзеи Ҳафткӯли шаҳри Панҷакент бахшида ба 32-солагии Истиқлоли давлатии Ҷумҳурии Тоҷикистон дуюмин ниммарафони кушоди кӯҳӣ баргузор гардид. Дар ин бора сомонаи “Тв Варзиш” хабар медиҳад.

Бино ба иттилои манбаъ масофаи ниммарафон 21 километру 97 метр муқаррар шуда, барои иштирок дар он варзишгарон аз тамоми манотиқи мамлакат ва аз 13 кишвари хориҷӣ ба монанди Ӯзбекистон, Беларус, Чин, Ҳиндустон, Нигерия, Белгия, Кения, Англия, Покистон, Африқои Ҷанубӣ, Австралия, Ҳиндустон ва Чин ширкат варзиданд.

Ҳама варзишгарон масофаи 21 км 97 метрро тай карданд ва аз зебогиҳои Ҳафткӯл ҳаловат буданд. Баъзе аз иштирокчиён давандаҳои ҳаваскор буданд ва танҳои барои тамошо ва хушҳолии хуб ин масофаро тай карда, аз зебогиҳои Ҳафткӯл ва Тоҷикистони биҳиштосо дидан намуданд.

Чорабинии варзишӣ бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Мақомоти иҷроияти маҳаллии ҳокимияти давлатии шаҳри Панҷакент, Кумитаи рушди сайёҳии назди Ҳукумати Ҷумҳурии Тоҷикистон, Раёсати ҷавонон ва варзиши вилояти Суғд, Федератсияи варзиши сабуки Ҷумҳурии Тоҷикистон ва ширкати сайёҳии “Сайри Бӯстон” доир карда шуд.

Барои ғолибони ниммарафон аз 500 то 5000 сомонӣ мукофотҳои пулӣ инъом гардид.

Ғолибони Ниммарафони дуюми кӯҳӣ дар мавзеи Ҳафткӯли шаҳри Панҷакент:

Мардон:
1.Зуҳуршои Наҷмиддин
2.Самариддин Азимов
3.Бобоҷон Якимов
4.Аҳкомиддин Каримзода
5. Меҳробҷон Одинаев

Бонувон:
1.Раҷабмоҳ Абдуллоева
2.Маҳина Баротова
3.Марҷона Маҳкамова

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.