Федератсияи футболи Тоҷикистон таърихи баргузории Суперҷоми кишварро, ки миёни дастаҳои “Истиқлол”-и шаҳри Душанбе қаҳрамони лигаи олӣ ва “Хуҷанд”-и шаҳри Хуҷанд гирандаи медалҳои нуқра ва барандаи Ҷоми Тоҷикистон-2017 муайян намуд.

Дидори ин ду тим барои дарёти Ҷоми олии Тоҷикистон, рузи ҷумъа 2- март соати 16:00 дар Варзишгоҳи марказии шаҳри Ҳисор баргузор мегардад.

Маврид ба зикр аст, ки барои дарёти Суперҷоми Тоҷикистон дастаи қаҳрамони кишвар ва ғолиби Ҷоми Тоҷикистон маротибаи нуҳум рақобат хоҳанд кард. Аз ҳама бештар Суперҷомро дастаи “Истиқлол”-и шаҳри Душанбе шаш маротиба (2010, 2011, 2012, 2014, 2015, 2016) соҳиб гаштааст. Дастаи “Равшан”-и Кӯлоб як маротиба соли 2013 барои дарёфти ҷоми мазкур бошгоҳи “Регар-ТадАЗ”-и шаҳри Турсунзодаро дар майдони худ бо ҳисоби 2:1 шикаст дода, ҷомро соҳиб гардид. Соли 2017 дастаи “Ҳосилот”-и ноҳияи Фархор пас аз мағлубияти бозиҳои плей-оффи Ҷоми КФО (Конфедератсияи федератсияи Осиё) бо тими “Истиқлол”-и шаҳри Душанбе барои дарёти Суперҷом бозӣ намуда бо натиҷаи 2:1 ғалаба намуд ва маротибаи аввал ҷоизаи мазкурро ба даст овард.

Дастаи “Хуҷанд”-и шаҳри Хуҷанд бори нахуст барои ин ҷоиза бо сармураббии нав Нӯъмонҷон Юсуфов, ки пас аз нокомии даста дар бозиҳои плей-оффи Ҷоми КФО таъин гардид, барои дарёфти Суперҷоми Тоҷикистон рақобат мекунанд.