Нуралӣ Эмомалӣ варзишгари ҷавони тоҷик дар Чемпионати ҷаҳон миёни ҷавонон оид ба ҷудо дар шаҳри Гуаякили Эквадор дар вазни -66кг бо шикаст тамоми рақибони худ унвони қаҳрамонии ин мусобиқаи сатҳи ҷаҳониро соҳиб гардид.

Ӯ дар даври якум ба варзишгари Италия – Валерио Акколи ва дар даври дуюм ба ҷудокори фаронсавӣ – Максим Моунданга қувваозмоӣ намуда, ғалаба кард.
Дар даври чорякниҳоӣ рақиби Нуралӣ аз Туркия – Муҳаммад Демирелро қарор гирифт. Ӯро низ ин муррафигари Ватан шикаст дод ва ба даври нимниҳоӣ роҳ ёфт.
Дар даври ниманиҳоӣ Нуралӣ ба Извореану Раду аз Молдова ғалаба карда, роҳи худро ба даври ниҳоӣ ҳамвор сохт.

Нуралӣ Эмомалӣ дар вохӯрии даври ниҳоӣ, ки хеле пуршидад сурат гирифт, бо ҷудокори узбекистонӣ Азизбек Ортиқов қувваозмоӣ намуд ва бо баҳогузории “иппон” пирӯз шуда, сазовори ҷойи аввал ва медали тиллои Чемпионати ҷаҳон миёни ҷавонон оид ба ҷудо дар соли 2022 гардид.

Нуралӣ бо ғолиб омадан дар мусобиқаи мазкур ҳамзамон соҳиби 700 имтиёз ва ҷоизапулӣ дар хаҷми 2000 доллари ИМА гардид.

Ёдовар мешавем, ки дар таърихи ҷудои тоҷик ин дуюмин нишони тилло аз Қаҳрамониҳои ҷудои ҷаҳон миёни ҷавонон маҳсуб мешавад. Нахустин медали тиллоро Сомон Маҳмадбеков дар вазни -73кг октябри соли 2019 дар Қаҳрамонии ҷаҳон дар Марокаш ба даст оварда буд.