Тавре торномаи кулуби “Истиқлол” хабар медиҳад, нимҳимоятгари  дастаи “Истиқлол” ва тими миллии футболи кишвар Нуриддин Давронв ба дастаи «Дунав»-и Булғористон рафт.

Нимҳимоятгар чанд рӯз қабл  бо даъвати роҳбарияти тими «Дунав"-и Булғористон ба лагери “девҳо” пайваст.

Футболбози 25-сола чане пеш дар ҷаласаи якуми омӯзишӣ иштирок намуд.

Нуриддин Давронов сеюмин футболбозӣ тоҷик аст, ки дар чемпионати Булғористон бозӣ мекунад. Аз ин пеш бозингарони собиқи тими “Истиқлол”  Искандар Ҷалилов дар “Дунав”, Парвизҷон Умарбоев “Локомотив” бозӣ мекарданд.

Нуриддин дар сомонаи иҷтимоияш навиштааст, ки ӯро дар Булғористон самимӣ пешвоз гирифтанд ва ӯ мехоҳад дар тими «Дунав» нововарӣ нишон диҳад.