ВАРЗИШ
Панҷшанбе 28 Март 2024 11:08
Имрӯз, 14 ноябр, тими мунтахаби Тоҷикистон оид ба футбол дар доираи бозиҳои интихобии Ҷоми Осиё-2019 дар гурӯҳи “F” рақобати панҷуми худро бо дастаи якачини Яман баргузор менамояд.
Дидори мазкур дар Варзишгоҳи марказии шаҳри Ҳисор соати 16:00 оғоз мегардад.
Сармураббии тими мунтахаби кишвар Ҳаким Фузайлов дар нишасти матбуотии пеш аз бозӣ, ки дирӯз дар меҳмонхонаи “Ҳаятт Реҷенс”-и шаҳри Душанбе баргузор гардида буд, вазифаи ягонаи даспарваронаш дар бозии ҳалталабро шикаст додани ҳариф ва ба марҳилаи ниҳоӣ роҳхат гирифтан дониста гуфт, ки “Мо минатдорем аз Федератсия футболи Тоҷикистон, ки дар рафти тамрин ба мо тамоми шароитҳоро фароҳам овард. Нақшае, ки барои омодагӣ тарҳрезӣ карда будем, қариб пурра иҷро намудем. Ҳамаи бозигароне, ки ба дастаи мунтахаб шомил гардиданд, дар ҳолати хуб қарор доранд. Бачаҳо хуб дарк менамоянд, ки ин навбат чӣ масъулиятеро бар дӯш доранд. Ҳам барои мо ва ҳам барои ҳариф ғалаба зарур аст. Дастаи мунтахаби Яман пурқувват аст, бозиҳои охиринашро омӯхтаем. Нақшаи ягонаи мо ғалаба ба даст овардан ва роҳхат гирифтан ба Ҷоми Осиё-2019 мебошад.”
Абраҳам Мебрату, сармураббии мунтахаби Яман мегӯяд, ин навбат барои шогирдонаш набард бисёр мураккаб мегузарад ва тими ҳариф бо як қувваи бузург ба майдон мебарояд. “Рақиб дар ду марҳиллаи охир пирӯз гардидааст. Вале мо дар се бозии охир танҳо яктоашро мусовӣ карда, имтиёзҳои муҳимро аз даст додем. Дар сабқати гурӯҳӣ мо ҳанӯз шикаст нахӯрдаем. Мунтахаби Тоҷикистон рақиби ҷиддӣ аст, ки фардо бо дастгирии мухлисонаш ба майдон мебарояд. Бинобар ин, мо дарк мекунем, ки фардо бозии хеле душвор мегузарад. Вале мо ба ин ҷо баҳри пирӯзӣ омадаем.”
Нуриддин Давронов, сардори дастаи тими мунтахаби Тоҷикистон мухлисони футболи тоҷикро барои дастгири даъват намуда иброз дошт, ки “Дастаи мунтахаби кишвар дар ҳолати хуб қарор дорад ва бачаҳо муҳимияти бозии дар пеш бударо хуб дарк менамоянд. Баъд аз бохт дар бозии финалии Ҷоми КФО-2017 ба худ омадан бисёр мушкил буд. Чанд ҷаласа бо ситоди мураббиёни мунтахаби миллӣ доир гардид ва бачаҳо аз нав нерӯю тавонои тоза гирифтанд. Ҳама ба бозии фардо омодаанд. Фардо моро танҳо ғалаба қонеъ мегардонад ва мо бо ҳамин мақсад ба майдон мебароем. Умед дорам, ки мухлисони асили футболи тоҷик фардо моро ҳамроҳӣ мекунанд ва мунтахаби Тоҷикистон роҳхат ба Ҷоми Осиё-2019-ро соҳиб мешавад. Ба мо дастгирии шумо бисёр зарур ва муҳим аст”.
Маврид ба ёдоварист, ки мунтахаби Тоҷикистон бозии аввалинашро дар даври интихобии Ҷоми Осиё-2019 бо якачини Яман баргузор намуда, дар ин рақобат бо ҳисоби 1:2 мағлуб гардидааст.
Дар ҳоли ҳозир баъд аз натиҷагирии даври чоруми мусобиқоти интихобӣ дар ҷадвали гурӯҳи “F” мунтахаби Филиппин бо касби 8 имтиёз (таносуби тӯбҳо 11-7) дар мақоми аввал аст. Тими Яман бо 6 хол (таносуби тӯбҳо 5-4) дар ҷои дуюм қарор дорад. Мунтахаби Тоҷикистон бо 6 имтиёз (таносуби тӯбҳо 9-7) зинаи сеюмро соҳиб аст. Якачини Непал бо 1 хол (таносуби тӯбҳо 2-9) дар зинаи охирин ҷойгир шудааст.
Дидори мазкур дар Варзишгоҳи марказии шаҳри Ҳисор соати 16:00 оғоз мегардад.
Сармураббии тими мунтахаби кишвар Ҳаким Фузайлов дар нишасти матбуотии пеш аз бозӣ, ки дирӯз дар меҳмонхонаи “Ҳаятт Реҷенс”-и шаҳри Душанбе баргузор гардида буд, вазифаи ягонаи даспарваронаш дар бозии ҳалталабро шикаст додани ҳариф ва ба марҳилаи ниҳоӣ роҳхат гирифтан дониста гуфт, ки “Мо минатдорем аз Федератсия футболи Тоҷикистон, ки дар рафти тамрин ба мо тамоми шароитҳоро фароҳам овард. Нақшае, ки барои омодагӣ тарҳрезӣ карда будем, қариб пурра иҷро намудем. Ҳамаи бозигароне, ки ба дастаи мунтахаб шомил гардиданд, дар ҳолати хуб қарор доранд. Бачаҳо хуб дарк менамоянд, ки ин навбат чӣ масъулиятеро бар дӯш доранд. Ҳам барои мо ва ҳам барои ҳариф ғалаба зарур аст. Дастаи мунтахаби Яман пурқувват аст, бозиҳои охиринашро омӯхтаем. Нақшаи ягонаи мо ғалаба ба даст овардан ва роҳхат гирифтан ба Ҷоми Осиё-2019 мебошад.”
Абраҳам Мебрату, сармураббии мунтахаби Яман мегӯяд, ин навбат барои шогирдонаш набард бисёр мураккаб мегузарад ва тими ҳариф бо як қувваи бузург ба майдон мебарояд. “Рақиб дар ду марҳиллаи охир пирӯз гардидааст. Вале мо дар се бозии охир танҳо яктоашро мусовӣ карда, имтиёзҳои муҳимро аз даст додем. Дар сабқати гурӯҳӣ мо ҳанӯз шикаст нахӯрдаем. Мунтахаби Тоҷикистон рақиби ҷиддӣ аст, ки фардо бо дастгирии мухлисонаш ба майдон мебарояд. Бинобар ин, мо дарк мекунем, ки фардо бозии хеле душвор мегузарад. Вале мо ба ин ҷо баҳри пирӯзӣ омадаем.”
Нуриддин Давронов, сардори дастаи тими мунтахаби Тоҷикистон мухлисони футболи тоҷикро барои дастгири даъват намуда иброз дошт, ки “Дастаи мунтахаби кишвар дар ҳолати хуб қарор дорад ва бачаҳо муҳимияти бозии дар пеш бударо хуб дарк менамоянд. Баъд аз бохт дар бозии финалии Ҷоми КФО-2017 ба худ омадан бисёр мушкил буд. Чанд ҷаласа бо ситоди мураббиёни мунтахаби миллӣ доир гардид ва бачаҳо аз нав нерӯю тавонои тоза гирифтанд. Ҳама ба бозии фардо омодаанд. Фардо моро танҳо ғалаба қонеъ мегардонад ва мо бо ҳамин мақсад ба майдон мебароем. Умед дорам, ки мухлисони асили футболи тоҷик фардо моро ҳамроҳӣ мекунанд ва мунтахаби Тоҷикистон роҳхат ба Ҷоми Осиё-2019-ро соҳиб мешавад. Ба мо дастгирии шумо бисёр зарур ва муҳим аст”.
Маврид ба ёдоварист, ки мунтахаби Тоҷикистон бозии аввалинашро дар даври интихобии Ҷоми Осиё-2019 бо якачини Яман баргузор намуда, дар ин рақобат бо ҳисоби 1:2 мағлуб гардидааст.
Дар ҳоли ҳозир баъд аз натиҷагирии даври чоруми мусобиқоти интихобӣ дар ҷадвали гурӯҳи “F” мунтахаби Филиппин бо касби 8 имтиёз (таносуби тӯбҳо 11-7) дар мақоми аввал аст. Тими Яман бо 6 хол (таносуби тӯбҳо 5-4) дар ҷои дуюм қарор дорад. Мунтахаби Тоҷикистон бо 6 имтиёз (таносуби тӯбҳо 9-7) зинаи сеюмро соҳиб аст. Якачини Непал бо 1 хол (таносуби тӯбҳо 2-9) дар зинаи охирин ҷойгир шудааст.
Эзоҳи худро нависед