26 феврал Нурулло Алиев размкори шинохтаи санъати муҳорибаҳои омехтаи тоҷик аввалин муҳорибаи худро дар ширкати размии UFC доир мекунад.

Тавре сомонаи расмии телевизиони “Варзиш” хабари медиҳад, ҳарифи варзишгари тоҷик Рафаэл Алвеси бразилӣ хоҳад буд. Муҳориба дар сабқатҳои UFC Fight Night 220 дар Лас-Вегаси Амрико баргузор мешавад.

Ёдрас мешавем,ки Нурулло Алиев моҳи сентябри соли 2022 баъди пирӯзӣ дар сабқатҳои Dana White's Contender Series вақти мондани 24 сония ба охири даври аввали рақобат тариқи нокаути техникӣ Ҷош Уикро (12-6) мағлуб намуда буд. Ҳамин тариқ, Алиев бо ширкати UFC шартнома имзо намуда, аввалин размгари тоҷик дар ин лига аз Тоҷикистон гардид.

Алвес бошад соли гузашта аз Дрю Добер (26-11) дар даври сеюми рақобат тариқи нокаут шикаст хӯрда буд. Ин муҳориба рӯзи 30-юми июл дар доираи муҳорибаҳои UFC 277 дар Далласи ИМА доир шуда буд.