ВАРЗИШ
Чоршанбе 17 Август 2022 05:42
3370
23 август, бахшида ба 26-солагии Истиқлолияти давлатӣ ва “Соли ҷавонон”, дар Корти тенниси тобистонаи КВД “Роҳи оҳан”-и Тоҷикистон мусобиқаи байналмилалӣ оид ба теннис байни наврасон барои дарёфти Ҷоми Президенти Ҷумҳурии Тоҷикистон оғоз гардид.

Дар ин мусобиқа 80-нафар (аз ҷумла 27 духтар) варзишгарон аз ҷумҳуриҳои Афғонистон, Туркия, Ӯзбекистон, Украина, Қазоқистон, Русия ва Тоҷикистон ширкат доранд.


Дар маросими кушодашавии мусобиқа муовини аввали раиси Кумитаи кор бо ҷавонон ва варзиши назди Ҳукумати кишвар Назарзода Ризо меҳмонон ва дастаҳои иштирокдоштаро хайрамақдам гуфта, ба варзишгарони меҳмоне, ки чанд рӯз дар Тоҷикистон қарор доранд, истироҳати бофароғат таммано намуд: “Боиси ифтихор аст, ки дар заминаи сиёсати варзишпарваронаи Пешвои муазами миллат, бо мақсади таҳкими тарзи ҳаёти солим ва омавияти варзиш дар Ҷумҳури Тоҷикистон, ҳамзамон, таъмини иштироки фаъолонаи варзишгарони тоҷик дар мусобиқаҳои сатҳи байналмилалӣ ба хотири муаррифӣ намудани варзиши тоҷик ва баланд бардоштани Парчами азизамон дар арсаи ҷаҳонӣ, пайваста чорабиниҳои варзишӣ баргузор гардида истодааст. Хушнуд аз онем, ки имсол дар арафаи 26-умин солгарди Рӯзи Истиқлолияти давлатии Ҷумҳурии Тоҷикистон ва эълон гардидани соли 2017- “Соли ҷавонон” чорабинии имрӯза бо иштироки 6 давлати меҳмон баргузор мегардад”.

Зикр гардид, ки соли ҳаштум аст, дар шаҳри Душанбе бо дастгирии бевоситаи Пешвои миллат, муҳтарам Эмомалӣ Раҳмон мусобиқаи байналмилалӣ оид ба теннис байни наврасон барои дарёфти Ҷоми Президенти Ҷумҳурии Тоҷикистон бо иштироки варзишгарон аз давлатҳои хориҷа баргузор мегардад.

Аз ҷониби масъулини Кумитаи кор бо ҷавонон ва варзиши назди Ҳукумати Ҷумҳурии Тоҷикистон Шоҳин Саидов, раиси Федератсияи тенниси Тоҷикистон ба унвони Корманди шоистаи тарбияи ҷисмонӣ ва варзиши Ҷумҳурии Тоҷикистон, Наргизахон Яҳёева, Анастасия Турсунова ба унвони Устоди варзиши Тоҷикистон қадрдонӣ гардиданд.

Мусаллам аст, ки теннис миёни дӯстдорони варзиши тоҷик шуҳрати калон дошта, баҳри рушди минбаъдаи он аз ҷониби Ҳукумати кишвар тамоми тадбирҳо амалӣ гардида истодаанд.

Шаҳбози АСОМИДДИН, “ҶТ”










Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Август 2022 c.