Ҷавонони ноҳияи Рӯшон дар баробари дигар сокинони кишвар Рӯзи пойтахти Ҷумҳурии Тоҷикистонро бо як дилгармӣ истиқбол намуданд.

Ба муносибати ин рӯзи фархунда як қатор чорабиниҳои оммавӣ – варзишӣ, фарҳангӣ дар марказ ва ҷамоатҳои ноҳия бо иқдоми Бахши кор бо ҷавонон ва варзиш оғоз шуда, то охири ҳафтаи ҷорӣ идома доранд.

Ҳамин гуна, байни наврасон озмуни иншои беҳтарин дар мавзӯӣ "Аҷаб шаҳри дилороӣ, Душанбе!" эълон гашта, бозиҳои варзишӣ аз намуди шоҳмот, тенниси рӯи миз ва волейбол байни наврасону ҷавонон ҷараён доранд.

Бояд зикр намуд, ки бозии волейбол байни 10 дастаи ҳамаи ҷамоатҳои ноҳия гузашта, ғолибони чорабиниҳоро ифтихорнома ва мукофотҳо интизор аст.