Дар майдони тенниси тобистонаи КВД “Роҳи оҳан”-и Тоҷикистон нуҳумин мусобиқаи байналмилалӣ оид ба теннис байни наврасон ва ҷавонон барои дарёфти Ҷоми Президенти Ҷумҳурии Тоҷикистон оғоз гардид. Дар мусобиқаи мазкур 96 нафар (аз ҷумла 48 духтар) варзишгар аз кишварҳои олам ширкат доранд.



Дар маросими кушодашавии мусобиқа намояндаи дастгоҳи иҷроияи Президенти Ҷумҳурии Тоҷикистон ва муовини аввали раиси Кумитаи кор бо ҷавонон ва варзиши назди Ҳукумати кишвар Ризо Назарзода меҳмонон ва дастаҳои иштирокдоштаро хайрамақдам гуфта, барои варзишгарон комёбӣ ва бурдбориҳо таммано намуданд.



Зикр намудан бамаврид аст, ки дар ҷумҳурӣ ин мусобиқаи сатҳи ҷаҳонӣ бо мақсади рушди теннис сурат мегирад. Соли равон варзишгарон аз 9 кишвари олам ширкат мекунанд. Дастаи 3 кишвар бошад, бори нахуст ба ин мусобиқа ташриф овардаанд. Бовари комил дорем, мусобиқае, ки дар Ҷумҳурии Тоҷикистон, дар фазои орому осуда, сулҳу ваҳдат баргузор мегардад, барои ҳар як шахс имконият фароҳам медиҳад, худро муаррифӣ намояд ва ғолибият ба даст орад.