6 август дар маркази омодагии олимпии шаҳри Хоруғ мусобиқаи ҷумҳуриявӣ аз намуди тенниси рӯи миз оғоз ёфт.

Тавре сардори Раёсати кор бо ҷавонон ва варзиши ВМКБ Сураҷ Чоршанбиев иттилоъ дод, мусобиқа ба 27 - умин солгарди Истиқлолияти давлатии Ҷумҳурии Тоҷикистон бахшида шуда, дар он дастаҳои Душанбе, Хатлон -1, Хатлон - 2, Суғд, НТМ, ВМКБ байни ҳам рақобат мекунанд ва он то 9 августи соли ҷорӣ давом меёбад.

Ғолибонро медалу ифтихорномаҳои Кумитаи кор бо ҷавонон ва варзиши назди Ҳукумати кишвар интизор аст.