Дар Маҷмааи варзишии шаҳри Хоруғ ба ифтихори 30 - солагии Истиқлолияти давлатии Ҷумҳурии Тоҷикистон бо дастгирии Кумитаи кор бо ҷавонон ва варзиши назди Ҳукумати мамлакат ва мақомоти иҷроияи ҳокимияти давлатии Вилояти Мухтори Кӯҳистони Бадахшон мусобиқаи ҷумҳуриявӣ аз намуди бокс байни наврасону ҷавонон оғоз ёфт.

Ба иттилои сардори Раёсати кор бо ҷавонон ва варзиши вилоят Сураҷ Чоршанбиев, мусобиқа бо ҳадафи ташвиқу тарғиби тарзи ҳаёти солим, оммавигардонии варзиш, таҳкими ҳамдилию рафоқат байни наслҳои ояндасози кишвар доир гашта, он панҷумин мусобиқаест, ки дар сатҳи ҷумҳурӣ дар ҳудуди вилоят гузаронида мешавад.

Мавриди зикр аст, ки дар мусобиқа варзишгарон аз шаҳри Душанбе, вилоятҳои Суғду Хатлон, ВМКБ ва НТМ бо ҳам рақобат карда, ғолибон бо медалу ифтихорномаҳои қадрдонӣ мешаванд.