Дар шаҳри Хоруғ бо ташаббуси Бахши кор бо ҷавонон ва варзиши шаҳр дар ҳамкорӣ бо Шуъбаи ҳифзи ҳуқуқи кӯдак байни хонандагони мактабҳои таҳсилоти миёнаи умумӣ мусобиқаи варзишӣ аз намуди шоҳмотбозӣ оғоз гардид.

Тавре мудири бахш Имомёрбек Имомёрбеков иттилоъ дод, чорабинӣ ба муносибати Рӯзи байналмилалии ҳифзи кӯдакон ташкил шуда, ҳадаф аз баргузории он тақвият бахшидани нерӯи зеҳнии мактаббачагон ва ба ин васила рушди шоҳмот дар муассисаҳои таълимӣ мебошад.

Мавриди қайд аст, ки мусобиқа то 1 июн – Рӯзи ҳифзи кӯдакон идома ёфта, ғолибонро туҳфаҳо интизор аст.