Бо иқдоми Бахши ҷавонон, варзиш ва сайёҳии шаҳри Хоруғ дар Маркази олимпии Хоруғ бахшида ба Рӯзи Президенти Ҷумҳурии Тоҷикистон мусобиқа аз рӯи намуди гуштини миллӣ доир гашт.

Дар он 100 нафар паҳлавонони беҳтарини вилояту ҷумҳурӣ дар ҳайати дастаҳои Ванҷ, Рӯшон, Шуғнон ва Хоруғ баромад намуда, ғолибони мусобиқа ба таври зайл муайян гардиданд:

Вазни 60 кг:
1. Комрон Мамадназаров – Хоруғ
2. Далер Қурбонҷонов – Хоруғ
3. Шӯҳрат Шоинбеков – Шуғнон

Вазни 70 кг:
1. Акмалхуҷа Азизов – Рӯшон
2. Наврӯз Чоршанбиев – Хоруғ

Вазни 80 кг:
1. Фарёд Шайхов – Ванҷ
2. Масриб Азизулоев – Хоруғ
3. Бахтиёр Чоршанбиев – Шуғнон

Барои ба даст овардани ҷоизаи раиси ВМКБ, ду паҳлавони шинохтаи ҷумҳурӣ Синавбар Шанбиев (вазни 85) аз шаҳри Хоруғ ва Фарёд Шайхов аз ноҳияи Ванҷ ба майдон баромаданд.

Баъди рақобатҳои зиёд Санавбар Шанбиев бо гирифтани як холи иловагӣ бар рақиби худ дастболо шуда, соҳиби Ҷоиза гардид.

Ғолибон бо медал, ифтихорнома ва дигар тӯҳфаҳои хотиравӣ аз ҷониби Бахши ҷавонони Хоруғ ва Мақомоти маҳаллии вилоят қадр карда шуданд.