Дар ноҳияи Бобоҷон Ғафуров аз санаи 20 то 30 июн мусобиқаи ноҳиявӣ оид ба футболи хурд миёни ташкилоту идора ва муассисаҳои ҳудуди ноҳия барои дарёфти Ҷоми раиси ноҳия баргузор гардид.

Дар мусобиқа 8 даста аз ташкилоту муассисаҳо иштироку қувваозмоӣ намуда, дар натиҷа дастаи “Боғпарвар” ҷойи сеюм, дастаи Беморхонаи маркази ноҳия ҷойи дуюмро ба даст овард. Дастаи маорифи ноҳия бошад, ҷойи аввалро соҳиб гардида, ғолиби мусобиқа ва соҳиби Ҷоми раиси ноҳияи Б.Ғафуров шуд. 

Дар фарҷом ба беҳтарин варзишгарон ва ғолибону ҷоизадорон медалу диплом ва туҳфаҳои хотиравии мақомоти иҷроияи ҳокимияти давлатии ноҳия супорида шуд.