Дар шаҳри Хуҷанд 31-уми май, бозии ниҳоӣ оид ба футбол барои дарёфти Ҷоми раиси шаҳр миёни дастаҳои литсейи физикӣ-математикии №1 ба номи академик Муҳаммад Осимӣ ва гимназияи №4 доир гардид. 

Мусобиқа аз 27 то 31 май ҷараён гирифта, дар он 16 даста бо фарогирии 156 нафар футболбоз иштирок намуданд. Ҳамин тавр, ҷойи 1-умро дастаи гимназияи 4, мақоми дуюмро литсейи физикӣ-математикии №1 ба номи академик Муҳаммад Осимӣ ва зинаи сеюмро гимназияи №1 ба номи Раҳим Ҷалил ишғол намуданд.

Ба ғолибон аз ҷониби муовини раиси шаҳри Хуҷанд Фирӯза Нуруллозода Ҷоми раиси шаҳр, медал ва дигар туҳфаҳои хотиравӣ тақдим карда шуд.