Дар даври 10-уми чемпионати ҶТ оид ба футбол байни тимҳои лигаи дуюми вилояти Хатлон дастаи “Вахши зарнисор”-и ноҳияи Вахш дар майдони худ бо тими “Сарҳадчӣ”-и ноҳияи Мир Сайид Али Хамадонӣ дидорбинӣ карданд.

Дар қисмати аввали ин вохӯри меҳмонон бартарии бозиро ба даст гирифта ҳамлагари даста Фирӯз Боронов тавонист як туб вориди дарвозаи соҳибони майдон намуда ҳисобро кушояд.

Дар қисмати дуюми бозӣ бошад футболбозони дастаи “Вахши зарнисор” рафти мусобиқаро ба куллӣ тағйир дода, ба ҳуҷум гузаштанд. Зимни зарбаи ҷаримавии 11-метра сардори даста Саймуддин Саймуртазоев тубро бехато ба нишон расонида, ҳисобро баробар намуд. 

Ба ҳамин тартиб то охири қисмати дуюм, боз ҳам ҳуҷумкунандаи тимӣ “Вахши зарнисор” Саймуддин Саймуртазоев бо задани 3-голи дигар ғолибияти дастаашро бо ҳисоби 4 бар 1 таъмин кард.