Дар Қасри теннис ва маҷмааи варзишҳои обии шаҳри Душанбе 11-12 феврал Чемпионати Тоҷикистон оид ба ҷудо доир гардида, дар маросими кушодашавии он, ки шоми 11-уми феврал доир шуд, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, ноиби Президенти Кумитаи миллии олимпии Тоҷикистон Абдулло Раҳмонзода, президенти Федератсияи ҷудои Тоҷикистон Исмоил Маҳмадзоир, котиби генералии Кумитаи миллии олимпии Тоҷикистон Абдуллозода Муҳаммадшо ва ҷоизадори Бозиҳои олимпии Пекин-2008 Расул Боқиев иштирок намуданд.

Дар ин бора сомонаи расмии Кумитаи миллии олимпии Тоҷикистон иттилоъ додааст.

Бино ба иттилои манбаъ дар ин чемпионат, ки тибқи қоидаҳои Федератсияи байналмилалии ҷудо (IJF) аз рӯи 7 вазн миёни мардҳо ва 2 вазн миёни бонувон баргузор шуд, 250 варзишгар аз ҳамаи минтақаҳои кишвар иштирок намуданд.

Миёни бонувон қувваозмоиҳо дар ду вазн -57кг ва -63кг ҷараён гирифта, Шоҳида Қаландарова ва Ҷонона Назарова беҳтарин буданд. Миёни мардҳо дар 6 вазн намояндагони шаҳри Душанбе ва дар як вазн варзишгарони шаҳру навоҳии тобеи марказ унвони чемпиониро соҳиб шуданд.

Ғолибону ҷоизадорон дар баробари медал, ҳамзамон бори аввал бо ҷоизаҳои пулӣ қадрдонӣ гардиданд.

Ғолибон ва ҷоизадорони Чемпионати Тоҷикистон оид ба ҷудо дар соли 2023:

Бонувон

Вазни -57кг
1. Шоҳида ҚАЛАНДАРОВА
2. Фазилат ГУЛБОЕВА
3. Рӯзафзун БЕКНАЗАРОВА

Вазни -63кг
1. Ҷонона НАЗАРОВА
2. Мавлуда ОДИНАЕВА
3. Қурбонгул ҲАЛИМОВА

Мардҳо

Вазни -60кг
1. Ҳақдод ГУЛОВ (Душанбе)
2. Муҳаммад МАҲМАДИЗОДА (Душанбе)
3. Меҳрзод СУФИЕВ (Душанбе)
3. Саъдӣ Маҳмадов (Душанбе)

Вазни -66кг
1. Эмомалӣ НУРАЛӢ (Душанбе)
2. Шаҳбоз САИДАБРОРОВ (Душанбе)
3. Фирӯз МЕЛИБОЙЗОДА (Душанбе)
3. Ориф ДОДОВ (Душанбе)

Вазни -73кг
1. Маҳмадшариф НАҶМИДДИНОВ (Душанбе)
2. Абубакр ШЕРОВ (Душанбе)
3. Мирзоҷамил РАМАЗОНОВ (Хатлон-1)
3. Илҳомиддин ҶАББОРОВ (Рашт)

Вазни -81кг
1. Муҳаммадҷон АБДУҶАЛИЛОВ (Душанбе)
2. Сайфидин САЙФИДИНЗОДА (Суғд)
3. Ҳамроз РАҶАБОВ (Суғд)
3. Умар РАСУЛОВ (ШНТМ)

Вазни -90кг
1. Ҳақназар НАЗАРОВ (ШНТМ)
2. Умедҷон РАҶАБОВ (Душанбе)
3. Акмал МУРОДОВ (Хатлон-1)
3. Кароматулло ҲАКИМОВ (Душанбе)

Вазни -100кг
1. Исроил РАҲИМОВ (Душанбе)
2. Саидҷамол АЛИМАРДОНОВ (Душанбе)
3. Ворис НУРИДДИНОВ (ШНТМ)
3. Улуғбек РАҲИМОВ (ШНТМ)

Вазни +100кг
1. Мансур РАҲМОН (Душанбе)
2. Иброҳим ЭЛМУРОДОВ (Душанбе)
3. Башир ФАХРИДДИН (Душанбе)
3. Муҳаммад ОДИНАЕВ (Душанбе)