ВАРЗИШ
Чоршанбе 12 Декабр 2018 05:26
4931
Шоми 5 октябр VI Ҷоми Президенти Тоҷикистон оид ба дзюдо анҷом ёфт. Мусобиқаи мазкур, ки аз 2 октябр шурӯъ гардида давоми се рӯз идома ёфта, дар он 248 варзишгар аз кишварҳои Қазоқистон, Қирғизистон, Ӯзбекистон, Туркманистон ва Тоҷикистон аз рӯи 7 категорияи вазнӣ барои ҷоизаҳо талош карданд.

Ба ғолибон медал, диплом, ҷоизаи пулӣ дар ҳаҷми 10000 сомонӣ ва ҷоми мусобиқа тақдим карда шуд. Барои ҷои дуюм медал, диплом ва ҷоизаи пулӣ дар ҳаҷми 5000 сомонӣ ва барои ҷои сеюм медал, диплом ва ҷоизаи пулӣ дар ҳаҷми 2500 сомонӣ тақдим гардид.

Ғолибони VI мусобиқаи байналмилалӣ оид ба дзюдо барои дарёфти Ҷоми Президенти Тоҷикистон:
Вазни -60кг
1. Достон Рӯзиев (Узбекистон)
2. Фаррух Ҳалимов (Тоҷикистон)
3. Аъзамҷон Аъзамҷонов (Тоҷикистон)
3. Асрор Очилов (Узбекистон)
Вазни -66кг
1. Абдуҷалил Юсупов (Узбекистон)
2. Ёқубҷон Боқиев (Тоҷикистон)
3. Нуроншо Бодомаев (Тоҷикистон)
3. Муҳриддин Тилавов (Узбекистон)
Вазни -73кг
1. Раҳматулло Фарҳодов (Тоҷикистон)
2. Саидмухтор Расулов (Тоҷикистон)
3. Муҳаммадраҳим Сарахонов (Тоҷикистон)
3. Мирзоҷамил Рамазонов (Тоҷикистон)
Вазни -81кг
1. Ҷаҳонгир Маҷидов (Тоҷикистон)
2. Суҳроб Турсунов (Узбекистон)
3. Акмал Муродов (Тоҷикистон)
3. Исроил Раҳимов (Тоҷикистон)
Вазни -90кг
1. Достон Мелиев (Узбекистон)
2. Саидҷамол Алимардонов (Тоҷикистон)
3. Шерафган Сардоров (Тоҷикистон)
3. Олим Авазов (Тоҷикистон
Вазни -100кг
1. Саидҷалол Саидов (Тоҷикистон)
2. Сергей Пак (Қазоқистон)
3. Фарёд Шайхов (Тоҷикистон)
3. Ғазалшои Давлатшо (Тоҷикистон)
Вазни +100кг
1. Темур Раҳимов (Тоҷикистон)
2. Шакармамад Мирмамадов (Тоҷикистон)
3. Самеъ Авғонов (Тоҷикистон)
3. Бекбулат Токтоганов (Қирғизистон)

Ёдовар мешавем, ки Ҷоми Президенти Ҷумҳурии Тоҷикистон оид ба дзюдо бори аввал соли 2013 доир гардида буд, ки дар он Виталий Дудчик аз Украина дар вазни -81 кг ғолиб шуд. Зинаи дуюмро Фарҳод Раҳимов (Тоҷикистон), ҷои сеюмро Сергей Терешенко (Балорус) сазовор шуда буданд. Дар вазни мутлақ ва барои шоҳҷоиза бошад, Ислом Шаҳобӣ аз Миср ғалаба кард. Медали нуқра насиби Муҳаммад Абдураҳмонов ва медалҳои биринҷӣ насиби Парвиз Собиров ва Фурқат Назриев (ҳар се аз Тоҷикистон) гардида буд. Соли 2014 бошад, Муҳаммад Абдураҳмонов (Тоҷикистон) дар вазни мутлақ пирӯз гашт. Зиёратшо Баротов, дзюдочии дигари тоҷик медали нуқра, Ҷавод Маҳҷуб (Эрон) ва Саидҷалол Саидов (Тоҷикистон) медали биринҷӣ ба даст оварданд. Дар сеюмин Ҷоми Президенти Тоҷикистон оид ба дзюдо дар соли 2015 40 варзишгар аз 13 кишвар ширкат карданд, ки дар он ҷои аввалро ин дафъа низ Муҳаммад Абдураҳмонов ишғол кард. Ҷои дуюм насиби Александр Ваховяк (Белорус), ҷои сеюм насиби Фирдавс Насимов (Тоҷикистон) ва Энди Алварес (Куба) гардид.

Соли 2016 Ҷоми Президенти Тоҷикистон дар шаҳри Ваҳдат баргузор гардида буд. Дар он 45 варзишгар аз 15 давлат: Афғонистон, Белорус, Италия, Куба, Қазоқистон, Қирғизистон, Непал, Озарбойҷон, Покистон, Русия, Тоҷикистон, Ӯзбекистон, Украина, Ҷопон ва Эрон ширкат намуданд. Дар ин мусобиқа Станислав Бондаренкои украинӣ соҳиби ҷом шуд. Ҷои дуюмро Алекс Гарсия Мендоза аз Куба, ҷои сеюмро ӯзбекистониҳо Муҳсин Ҳисомиддинов ва Абдулло Тангриев ишғол карданд.

5 октябри соли 2017 дар Варзишгоҳи марказии шаҳри Ваҳдат барои дарёфти 5-умин Ҷоми Президенти Тоҷикистон оид ба дзюдо варзишгарони 15 давлати дунё: Қазоқистон, Қирғизистон, Афғонистон, Покистон, Эрон, Русия, Германия, Непал, Япония, Беларус, Украина, Голландия, Америка ва Куба миёни ҳам рақобат карданд. Рақобатҳо барои ба даст овардани ҷойҳои ифтихорӣ дар вазни мутлақ сурат гирифта, паҳлавони номдори тоҷик Саидҷалол Саидов соҳиби 5-умин Ҷоми Президенти Ҷумҳурии Тоҷикистон гардид.

Мусобиқаи солҳои гузашта дар вазни мутлақ баргузор мешуд, имсол бошад, варзишгарон дар вазнҳои маъмулии гӯштини дзюдо миёни мардон: -60 кг, -66 кг, -73 кг, -81 кг, -90 кг, -100 кг, +100 кг қувва озмӯданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Декабр 2018 c.