ВАРЗИШ
Душанбе 16 Сентябр 2019 11:03
6201
Дар натиҷаи қуръакашии Чемпионати ҷаҳон-2019  тими мунтахаби ҷавонони Тоҷикистон (U-17) ба гурӯҳи “Е” шомил шуд ва бо мунтахабҳои ҷавонони Аргентина, Испания ва Камерун бозӣ мекунад. 

11 июл дар қароргоҳи Ассотсиатсияи байналмилалии федератсияҳои футбол (FIFA) дар Сюррих (Швейтсария) маросими қуръакашии Чемпионати ҷаҳон-2019 (U-17) баргузор шуд. Дар натиҷа мунтахаби ҷавонони Тоҷикистон ҳамроҳ бо дастаҳои ҷавонони Аргентина, Испания ва Камерун гурӯҳи “Е”-ро ташкил доданд.

Дар қуръакашӣ 24 даста ба 6 гурӯҳи иборат аз 4-дастаӣ тақсим шуданд. Ду дастаи беҳтарини ҳар гурӯҳ, инчунин 4 дастаи беҳтарини ҷои сеюми гурӯҳҳо ба даври баъдӣ роҳхат мегиранд.

18-ум Чемпионати ҷаҳон миёни ҷавонони то 17-сола аз 26 октябр то 17 ноябр дар чор шаҳри Бразил – Кариасика, Гама, Бразилиа ва Гояниа – баргузор мешавад.

Натиҷаи қуръакашии чемпионати ҷаҳон-2019 (U-17):

Гурӯҳи «А»: Бразил, Канада, Зеландияи Нав, Ангола.

Гурӯҳи «В»: Нигерия, Маҷористон, Эквадор, Австралия.

Гурӯҳи «С»: Ҷумҳурии Корея, Ҳаити, Фаронса, Чили.

Гурӯҳи «D»: ШМА, Сенегал, Ҷопон, Нидерланд.

Гурӯҳи «Е»: Испания, Аргентина, ТОҶИКИСТОН, Камерун.

Гурӯҳи «F»: Ҷазираҳои Соломон, Италия, Парагвай, Мексика.

Мунтахаби ҷавонони кишвар дар даври аввал 28 октябр бо тими ҷавонони Камерун бозӣ мекунад. 31 октябр дар даври дуюм футболбозони мо бо ҳамсолонашон аз Испания вомехуранд. Дар даври ниҳоӣ бошад, муқобили Аргентина ба майдон мебароянд.

Ҳамаи бозиҳо бо иштироки дастаи мунтахаби Тоҷикистон дар варзишгоҳи «Estаdio Klеber Andrade»-и шаҳри Кариасика доир мегарданд.

Қобили зикр аст, ки Тоҷикистон ягона кишвари пасошӯравист, ки ба мусобиқаи чемпионати ҷаҳон роҳхат гирифт ва мунтахаби футболи наврасони Тоҷикистон бори дуюм аст дар мусобиқаи чемпионати сайёра ширкат меварзанд. Дар дар мусобиқаи соли 2007 футболбозони навраси тоҷик ба даври 1/8 финалӣ роҳ ёфта буданд.

Ёдрас мекунем, ки дастаи мунтахаби Тоҷикистон оид ба футбол (U-17) зери роҳбарии сармураббӣ Зайниддин Раҳимов дар Ҷоми Осиё – 2018 мақоми дуюмро соҳиб гардид ва ба Ҷоми ҷаҳон - 2019 роҳхат гирифт.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Сентябр 2019 c.