ВАРЗИШ
Панҷшанбе 11 Июн 2026 01:18
Оғози давраи нав дар таърихи футболи ҷаҳон
Ҷоми ҷаҳонии футбол ҳамеша яке аз бузургтарин рӯйдодҳои варзишии сайёра маҳсуб меёбад. Дар тули қариб як аср ин мусобиқа миллионҳо мухлисро муттаҳид намуда, ба саҳнаи намоиши беҳтарин футболбозон ва дастаҳои ҷаҳон табдил ёфтааст. Аммо Ҷоми ҷаҳонии соли 2026, ки дар Иёлоти Муттаҳидаи Амрико, Канада ва Мексика баргузор мегардад, аз ҳама мусобиқаҳои қаблӣ фарқ мекунад. Коршиносон онро на танҳо як чемпионати навбатӣ, балки оғози марҳилаи нави рушди футболи ҷаҳонӣ арзёбӣ мекунанд.
Аз замони таъсиси Ҷоми ҷаҳон дар соли 1930 то имрӯз мусобиқа борҳо тағйир ёфтааст. Дар аввал ҳамагӣ 13 даста иштирок мекарданд. Баъдан шумораи иштирокчиён ба 16, сипас ба 24 ва аз соли 1998 ба 32 мунтахаб расид. Акнун бошад, ФИФА тасмим гирифтааст, ки мусобиқаро боз ҳам васеъ намуда, шумораи иштирокчиёнро ба 48 расонад. Маҳз ҳамин тағйирот Ҷоми ҷаҳон-2026-ро ба яке аз муҳимтарин рӯйдодҳои таърихи футбол табдил медиҳад.
ҶОМИ ҶАҲОНИИ БУЗУРГТАРИН ДАР ТАЪРИХ
Яке аз муҳимтарин хусусиятҳои мусобиқаи соли 2026 афзоиши бесобиқаи шумораи иштирокчиён мебошад. Агар дар Ҷоми ҷаҳон-2022 дар Қатар 32 даста ширкат карда бошад, дар мусобиқаи нав 48 мунтахаб барои унвони қаҳрамонӣ мубориза мебаранд.
Ин маънои онро дорад, ки дар таърихи футбол бори аввал қариб чоряки кишварҳои аъзои ФИФА имкони иштирок дар марҳилаи ниҳоии Ҷоми ҷаҳонро пайдо мекунанд. Дар натиҷа, кишварҳои зиёде, ки солҳои тулонӣ орзуи роҳёбӣ ба мусобиқаро доштанд, акнун метавонанд дар саҳнаи ҷаҳонӣ ҳунари худро нишон диҳанд.
Барои мисол, кишварҳои минтақаҳои Осиё, Африқо ва Амрикои Марказӣ аз квотаҳои бештар баҳра хоҳанд бурд. Агар пештар танҳо чанд намояндаи ин қитъаҳо ба Ҷоми ҷаҳон роҳ меёфтанд, ҳоло шумораи онҳо ба таври назаррас зиёд мешавад. Ин омил метавонад ба рушди футбол дар кишварҳои рӯ ба тараққӣ таъсири мусбат расонад.
ФОРМАТИ НАВ ВА РАҚОБАТИ БЕШТАР
Бо зиёд шудани шумораи дастаҳо сохтори мусобиқа низ тағйир ёфтааст. Акнун 48 мунтахаб ба 12 гурӯҳ ҷудо мешаванд ва ҳар гурӯҳ аз чор даста иборат хоҳад буд.
Аз ҳар гурӯҳ ду дастаи беҳтарин ва ҳашт мунтахаби беҳтарини ҷойҳои сеюм ба марҳилаи плей-офф роҳ меёбанд. Дар натиҷа, бори аввал дар таърихи Ҷоми ҷаҳон даври 1/16-ниҳоӣ баргузор мешавад.
Ин тағйирот чанд бартарии муҳим дорад. Теъдоди бозиҳои ҷолиб бештар мешавад, дастаҳои хурд имкони бештар барои рақобат пайдо мекунанд, то охирин даври марҳилаи гурӯҳӣ мубориза барои роҳхат идома меёбад, мухлисон шумораи зиёди рақобатҳои сатҳи баландро тамошо мекунанд.
Ҳамзамон, баъзе мутахассисон бар он назаранд, ки афзоиши шумораи иштирокчиён метавонад сатҳи рақобати баъзе бозиҳоро паст кунад. Бо вуҷуди ин, қисми дигаре аз коршиносон бовар доранд, ки футболи муосир ба дараҷае рушд кардааст, ки имрӯз ҳатто мунтахабҳои миёна низ қодиранд бо бузургтарин қудратҳои футбол рақобат кунанд.
Инчунин, навгонии дигаре, ки дар рақобатҳои Ҷоми ҷаҳони-2026 мушоҳида хоҳад шуд, ин иҷрои суруди миллӣ дар иҷрои ҳайати пурра мебошад. Агар то Ҷоми ҷаҳони-2022 иҷрои суруди миллӣ танҳо барои ҳайати асосӣ хос буд, дар ин Ҷоми ҷаҳон ҳайати пурраи даста - мураббиён, табибон ва дигар ҳайати ёрирасони даста ба майдон баромада, суруди миллии кишварашонро дар якҷоягӣ иҷро мекунанд. Пас аз иҷрои суруди миллӣ танҳо ҳайати асосии 11 нафара ба рақобат мепардозанд, ки ин навгонӣ низ дар таърихи футбол таҷрибаи ҷадид мебошад.
АВВАЛИН ҶОМИ ҶАҲОН ДАР СЕ КИШВАР
Ҷоми ҷаҳон-2026 боз як рекорди таърихиро сабт мекунад. Бори аввал мусобиқа дар як вақт дар се кишвар баргузор мешавад. Иёлоти Муттаҳидаи Амрико, Канада ва Мексика мизбонони муштараки мусобиқа мебошанд. Ин таҷриба дар таърихи Ҷоми ҷаҳон бесобиқа аст.
Мексика боз як рекорди дигарро низ ба номи худ сабт мекунад. Ин кишвар барои сеюм маротиба мизбони Ҷоми ҷаҳон мешавад. Пештар мусобиқаҳои солҳои 1970 ва 1986 низ дар Мексика баргузор гардида буданд.
Барои Амрико ва Канада бошад, ин имконияти бузургест, ки рушди футболро дар минтақа боз ҳам суръат бахшанд. Дар солҳои охир маъруфияти футбол дар Амрикои Шимолӣ ба таври назаррас афзоиш ёфтааст ва Ҷоми ҷаҳон метавонад ин равандро боз ҳам қавитар намояд.
16 ШАҲРИ МИЗБОН
Ҳеҷ як Ҷоми ҷаҳон то имрӯз чунин миқёси бузурги ҷуғрофӣ надоштааст. Бозиҳо дар 16 шаҳр баргузор мешаванд. Аз ҷумла, шаҳрҳои машҳури Ню-Йорк, Лос-Анҷелес, Майами, Атланта, Даллас, Сиэтл, Торонто, Ванкувер ва Мехико мизбони рақобатҳо хоҳанд буд.
Ин маънои онро дорад, ки дастаҳо ва мухлисон маҷбур мешаванд масофаҳои хеле дурро тай намоянд. Дар баъзе ҳолатҳо фосилаи байни шаҳрҳои мизбон ҳазорҳо километрро ташкил медиҳад.
Аз ин рӯ, масъалаҳои нақлиёт, истироҳати футболбозон, мутобиқшавӣ ба иқлим ва идоракунии сафарҳо аз омилҳои калидии муваффақият хоҳанд буд.
РЕКОРДИ НАВИ ШУМОРАИ БОЗИҲО
Ҷоми ҷаҳон-2026 инчунин аз рӯйи шумораи рақобатҳо рекорд мегузорад.
Дар Қатар-2022 ҳамагӣ 64 бозӣ баргузор шуда буд. Дар мусобиқаи навбатӣ бошад, шумораи бозиҳо ба 104 адад мерасанд.
Ин нишон медиҳад, ки мухлисон дар давоми зиёда аз як моҳ шоҳиди шумораи бесобиқаи рақобатҳои ҷолиб хоҳанд шуд. Барои ширкатҳои телевизионӣ, сарпарастон ва созмондиҳандагон низ ин имкониятҳои нави иқтисодиро фароҳам меорад.
ТЕХНОЛОГИЯ ДАР ХИДМАТИ ФУТБОЛ
Ҷоми ҷаҳон-2026 эҳтимолан технологитарин мусобиқа дар таърихи футбол хоҳад буд.
Дар солҳои охир истифодаи технологияҳои муосир дар футбол хеле афзоиш ёфтааст. VAR, системаи муайянкунии гол, камераҳои интеллектуалӣ ва таҳлили рақамии бозӣ аллакай қисми ҷудонашавандаи мусобиқаҳо шудаанд.
Дар Ҷоми ҷаҳон-2026 бошад, истифодаи зеҳни сунъӣ, таҳлили фаврии маълумот ва технологияҳои нави пахши рақамӣ боз ҳам васеътар хоҳад шуд.
Мухлисон метавонанд бозиҳоро бо сифати ниҳоят баланд тамошо намуда, омор ва таҳлилҳоро дар вақти воқеӣ дастрас намоянд.
ТАЪСИРИ ИҚТИСОДӢ
Ҷоми ҷаҳон танҳо як мусобиқаи варзишӣ нест. Он яке аз бузургтарин лоиҳаҳои иқтисодии ҷаҳон низ ба ҳисоб меравад.
Коршиносон пешбинӣ мекунанд, ки мусобиқа ба иқтисоди Амрикои Шимолӣ миллиардҳо доллар фоида меорад. Садҳо ҳазор ҷойҳои нави корӣ таъсис ёфта, миллионҳо сайёҳ ба шаҳрҳои мизбон сафар хоҳанд кард.
Меҳмонхонаҳо, ширкатҳои ҳавопаймоӣ, тарабхонаҳо ва дигар бахшҳои хизматрасонӣ аз ин чорабинӣ манфиати калон хоҳанд гирифт.
ОЁ ҶОМИ ҶАҲОН-2026 БА РУШДИ ФУТБОЛ МУСОИДАТ МЕКУНАД?
Ин савол имрӯз дар маркази баҳсҳои ҷаҳонии футбол қарор дорад.
Ҷонибдорони ислоҳоти ФИФА бар он назаранд, ки зиёд шудани шумораи иштирокчиён имконияти баробарро барои кишварҳо бештар фароҳам меорад. Ин метавонад ба рушди футбол дар минтақаҳое, ки то ҳол дар сатҳи ҷаҳонӣ камтар намояндагӣ дош-танд, мусоидат намояд.
Мухолифон бошанд, бар ин назаранд, ки васеъшавии мусобиқа метавонад арзиши роҳёбӣ ба Ҷоми ҷаҳонро кам кунад.
Бо вуҷуди ин, таҷрибаи мусобиқаҳои қаблӣ нишон медиҳад, ки ҳар қадар футбол дар кишварҳо бештар рушд кунад, ҳамон қадар рақобат дар сатҳи ҷаҳонӣ ҷолибтар мегардад.
ТОҶИКИСТОН ВА ҶОМИ ҶАҲОН-2026
Барои Тоҷикистон низ ин мусобиқа аҳамияти махсус дорад. Афзоиши шумораи роҳхатҳо имкони бештареро барои мунтахабҳои осиёӣ фароҳам овардааст.
Гарчанде мунтахаби Тоҷикистон ба Ҷоми ҷаҳон-2026 роҳ наёфт, вале таҷрибаи даври интихобӣ нишон дод, ки футболи тоҷик дар роҳи рушд қарор дорад. Имрӯз мухлисони тоҷик бо таваҷҷуҳи зиёд мусобиқаи ҷаҳониро пайгирӣ намуда, аз таҷрибаи беҳтарин дастаҳои ҷаҳон баҳра мегиранд.
ОХИРСУХАН
Ҷоми ҷаҳонии футбол-2026 танҳо як мусобиқаи навбатӣ нест. Он рамзи давраи нави рушди футбол мебошад. Афзоиши шумораи мунтахабҳо аз 32 ба 48, зиёд гардидани бозиҳо аз 64 ба 104, мизбонии се кишвар, истифодаи технологияҳои пешрафта ва фароҳам гардидани имкониятҳои нав барои кишварҳои рӯ ба рушд ин мусобиқаро ба рӯйдоди таърихӣ табдил медиҳад.
Шояд баъд аз солҳои зиёд муаррихони футбол маҳз Ҷоми ҷаҳон-2026-ро ҳамчун нуқтаи гардиш дар таърихи футбол ёд кунанд. Зеро ин мусобиқа на танҳо барои муайян кардани қаҳрамони ҷаҳон, балки барои муайян кардани самти ояндаи футболи ҷаҳонӣ низ аҳамияти бузург дорад.
Яҳё МАҲМАДНАБИЕВ, “ҶТ”
Ҷоми ҷаҳонии футбол ҳамеша яке аз бузургтарин рӯйдодҳои варзишии сайёра маҳсуб меёбад. Дар тули қариб як аср ин мусобиқа миллионҳо мухлисро муттаҳид намуда, ба саҳнаи намоиши беҳтарин футболбозон ва дастаҳои ҷаҳон табдил ёфтааст. Аммо Ҷоми ҷаҳонии соли 2026, ки дар Иёлоти Муттаҳидаи Амрико, Канада ва Мексика баргузор мегардад, аз ҳама мусобиқаҳои қаблӣ фарқ мекунад. Коршиносон онро на танҳо як чемпионати навбатӣ, балки оғози марҳилаи нави рушди футболи ҷаҳонӣ арзёбӣ мекунанд.
Аз замони таъсиси Ҷоми ҷаҳон дар соли 1930 то имрӯз мусобиқа борҳо тағйир ёфтааст. Дар аввал ҳамагӣ 13 даста иштирок мекарданд. Баъдан шумораи иштирокчиён ба 16, сипас ба 24 ва аз соли 1998 ба 32 мунтахаб расид. Акнун бошад, ФИФА тасмим гирифтааст, ки мусобиқаро боз ҳам васеъ намуда, шумораи иштирокчиёнро ба 48 расонад. Маҳз ҳамин тағйирот Ҷоми ҷаҳон-2026-ро ба яке аз муҳимтарин рӯйдодҳои таърихи футбол табдил медиҳад.
ҶОМИ ҶАҲОНИИ БУЗУРГТАРИН ДАР ТАЪРИХ
Яке аз муҳимтарин хусусиятҳои мусобиқаи соли 2026 афзоиши бесобиқаи шумораи иштирокчиён мебошад. Агар дар Ҷоми ҷаҳон-2022 дар Қатар 32 даста ширкат карда бошад, дар мусобиқаи нав 48 мунтахаб барои унвони қаҳрамонӣ мубориза мебаранд.
Ин маънои онро дорад, ки дар таърихи футбол бори аввал қариб чоряки кишварҳои аъзои ФИФА имкони иштирок дар марҳилаи ниҳоии Ҷоми ҷаҳонро пайдо мекунанд. Дар натиҷа, кишварҳои зиёде, ки солҳои тулонӣ орзуи роҳёбӣ ба мусобиқаро доштанд, акнун метавонанд дар саҳнаи ҷаҳонӣ ҳунари худро нишон диҳанд.
Барои мисол, кишварҳои минтақаҳои Осиё, Африқо ва Амрикои Марказӣ аз квотаҳои бештар баҳра хоҳанд бурд. Агар пештар танҳо чанд намояндаи ин қитъаҳо ба Ҷоми ҷаҳон роҳ меёфтанд, ҳоло шумораи онҳо ба таври назаррас зиёд мешавад. Ин омил метавонад ба рушди футбол дар кишварҳои рӯ ба тараққӣ таъсири мусбат расонад.
ФОРМАТИ НАВ ВА РАҚОБАТИ БЕШТАР
Бо зиёд шудани шумораи дастаҳо сохтори мусобиқа низ тағйир ёфтааст. Акнун 48 мунтахаб ба 12 гурӯҳ ҷудо мешаванд ва ҳар гурӯҳ аз чор даста иборат хоҳад буд.
Аз ҳар гурӯҳ ду дастаи беҳтарин ва ҳашт мунтахаби беҳтарини ҷойҳои сеюм ба марҳилаи плей-офф роҳ меёбанд. Дар натиҷа, бори аввал дар таърихи Ҷоми ҷаҳон даври 1/16-ниҳоӣ баргузор мешавад.
Ин тағйирот чанд бартарии муҳим дорад. Теъдоди бозиҳои ҷолиб бештар мешавад, дастаҳои хурд имкони бештар барои рақобат пайдо мекунанд, то охирин даври марҳилаи гурӯҳӣ мубориза барои роҳхат идома меёбад, мухлисон шумораи зиёди рақобатҳои сатҳи баландро тамошо мекунанд.
Ҳамзамон, баъзе мутахассисон бар он назаранд, ки афзоиши шумораи иштирокчиён метавонад сатҳи рақобати баъзе бозиҳоро паст кунад. Бо вуҷуди ин, қисми дигаре аз коршиносон бовар доранд, ки футболи муосир ба дараҷае рушд кардааст, ки имрӯз ҳатто мунтахабҳои миёна низ қодиранд бо бузургтарин қудратҳои футбол рақобат кунанд.
Инчунин, навгонии дигаре, ки дар рақобатҳои Ҷоми ҷаҳони-2026 мушоҳида хоҳад шуд, ин иҷрои суруди миллӣ дар иҷрои ҳайати пурра мебошад. Агар то Ҷоми ҷаҳони-2022 иҷрои суруди миллӣ танҳо барои ҳайати асосӣ хос буд, дар ин Ҷоми ҷаҳон ҳайати пурраи даста - мураббиён, табибон ва дигар ҳайати ёрирасони даста ба майдон баромада, суруди миллии кишварашонро дар якҷоягӣ иҷро мекунанд. Пас аз иҷрои суруди миллӣ танҳо ҳайати асосии 11 нафара ба рақобат мепардозанд, ки ин навгонӣ низ дар таърихи футбол таҷрибаи ҷадид мебошад.
АВВАЛИН ҶОМИ ҶАҲОН ДАР СЕ КИШВАР
Ҷоми ҷаҳон-2026 боз як рекорди таърихиро сабт мекунад. Бори аввал мусобиқа дар як вақт дар се кишвар баргузор мешавад. Иёлоти Муттаҳидаи Амрико, Канада ва Мексика мизбонони муштараки мусобиқа мебошанд. Ин таҷриба дар таърихи Ҷоми ҷаҳон бесобиқа аст.
Мексика боз як рекорди дигарро низ ба номи худ сабт мекунад. Ин кишвар барои сеюм маротиба мизбони Ҷоми ҷаҳон мешавад. Пештар мусобиқаҳои солҳои 1970 ва 1986 низ дар Мексика баргузор гардида буданд.
Барои Амрико ва Канада бошад, ин имконияти бузургест, ки рушди футболро дар минтақа боз ҳам суръат бахшанд. Дар солҳои охир маъруфияти футбол дар Амрикои Шимолӣ ба таври назаррас афзоиш ёфтааст ва Ҷоми ҷаҳон метавонад ин равандро боз ҳам қавитар намояд.
16 ШАҲРИ МИЗБОН
Ҳеҷ як Ҷоми ҷаҳон то имрӯз чунин миқёси бузурги ҷуғрофӣ надоштааст. Бозиҳо дар 16 шаҳр баргузор мешаванд. Аз ҷумла, шаҳрҳои машҳури Ню-Йорк, Лос-Анҷелес, Майами, Атланта, Даллас, Сиэтл, Торонто, Ванкувер ва Мехико мизбони рақобатҳо хоҳанд буд.
Ин маънои онро дорад, ки дастаҳо ва мухлисон маҷбур мешаванд масофаҳои хеле дурро тай намоянд. Дар баъзе ҳолатҳо фосилаи байни шаҳрҳои мизбон ҳазорҳо километрро ташкил медиҳад.
Аз ин рӯ, масъалаҳои нақлиёт, истироҳати футболбозон, мутобиқшавӣ ба иқлим ва идоракунии сафарҳо аз омилҳои калидии муваффақият хоҳанд буд.
РЕКОРДИ НАВИ ШУМОРАИ БОЗИҲО
Ҷоми ҷаҳон-2026 инчунин аз рӯйи шумораи рақобатҳо рекорд мегузорад.
Дар Қатар-2022 ҳамагӣ 64 бозӣ баргузор шуда буд. Дар мусобиқаи навбатӣ бошад, шумораи бозиҳо ба 104 адад мерасанд.
Ин нишон медиҳад, ки мухлисон дар давоми зиёда аз як моҳ шоҳиди шумораи бесобиқаи рақобатҳои ҷолиб хоҳанд шуд. Барои ширкатҳои телевизионӣ, сарпарастон ва созмондиҳандагон низ ин имкониятҳои нави иқтисодиро фароҳам меорад.
ТЕХНОЛОГИЯ ДАР ХИДМАТИ ФУТБОЛ
Ҷоми ҷаҳон-2026 эҳтимолан технологитарин мусобиқа дар таърихи футбол хоҳад буд.
Дар солҳои охир истифодаи технологияҳои муосир дар футбол хеле афзоиш ёфтааст. VAR, системаи муайянкунии гол, камераҳои интеллектуалӣ ва таҳлили рақамии бозӣ аллакай қисми ҷудонашавандаи мусобиқаҳо шудаанд.
Дар Ҷоми ҷаҳон-2026 бошад, истифодаи зеҳни сунъӣ, таҳлили фаврии маълумот ва технологияҳои нави пахши рақамӣ боз ҳам васеътар хоҳад шуд.
Мухлисон метавонанд бозиҳоро бо сифати ниҳоят баланд тамошо намуда, омор ва таҳлилҳоро дар вақти воқеӣ дастрас намоянд.
ТАЪСИРИ ИҚТИСОДӢ
Ҷоми ҷаҳон танҳо як мусобиқаи варзишӣ нест. Он яке аз бузургтарин лоиҳаҳои иқтисодии ҷаҳон низ ба ҳисоб меравад.
Коршиносон пешбинӣ мекунанд, ки мусобиқа ба иқтисоди Амрикои Шимолӣ миллиардҳо доллар фоида меорад. Садҳо ҳазор ҷойҳои нави корӣ таъсис ёфта, миллионҳо сайёҳ ба шаҳрҳои мизбон сафар хоҳанд кард.
Меҳмонхонаҳо, ширкатҳои ҳавопаймоӣ, тарабхонаҳо ва дигар бахшҳои хизматрасонӣ аз ин чорабинӣ манфиати калон хоҳанд гирифт.
ОЁ ҶОМИ ҶАҲОН-2026 БА РУШДИ ФУТБОЛ МУСОИДАТ МЕКУНАД?
Ин савол имрӯз дар маркази баҳсҳои ҷаҳонии футбол қарор дорад.
Ҷонибдорони ислоҳоти ФИФА бар он назаранд, ки зиёд шудани шумораи иштирокчиён имконияти баробарро барои кишварҳо бештар фароҳам меорад. Ин метавонад ба рушди футбол дар минтақаҳое, ки то ҳол дар сатҳи ҷаҳонӣ камтар намояндагӣ дош-танд, мусоидат намояд.
Мухолифон бошанд, бар ин назаранд, ки васеъшавии мусобиқа метавонад арзиши роҳёбӣ ба Ҷоми ҷаҳонро кам кунад.
Бо вуҷуди ин, таҷрибаи мусобиқаҳои қаблӣ нишон медиҳад, ки ҳар қадар футбол дар кишварҳо бештар рушд кунад, ҳамон қадар рақобат дар сатҳи ҷаҳонӣ ҷолибтар мегардад.
ТОҶИКИСТОН ВА ҶОМИ ҶАҲОН-2026
Барои Тоҷикистон низ ин мусобиқа аҳамияти махсус дорад. Афзоиши шумораи роҳхатҳо имкони бештареро барои мунтахабҳои осиёӣ фароҳам овардааст.
Гарчанде мунтахаби Тоҷикистон ба Ҷоми ҷаҳон-2026 роҳ наёфт, вале таҷрибаи даври интихобӣ нишон дод, ки футболи тоҷик дар роҳи рушд қарор дорад. Имрӯз мухлисони тоҷик бо таваҷҷуҳи зиёд мусобиқаи ҷаҳониро пайгирӣ намуда, аз таҷрибаи беҳтарин дастаҳои ҷаҳон баҳра мегиранд.
ОХИРСУХАН
Ҷоми ҷаҳонии футбол-2026 танҳо як мусобиқаи навбатӣ нест. Он рамзи давраи нави рушди футбол мебошад. Афзоиши шумораи мунтахабҳо аз 32 ба 48, зиёд гардидани бозиҳо аз 64 ба 104, мизбонии се кишвар, истифодаи технологияҳои пешрафта ва фароҳам гардидани имкониятҳои нав барои кишварҳои рӯ ба рушд ин мусобиқаро ба рӯйдоди таърихӣ табдил медиҳад.
Шояд баъд аз солҳои зиёд муаррихони футбол маҳз Ҷоми ҷаҳон-2026-ро ҳамчун нуқтаи гардиш дар таърихи футбол ёд кунанд. Зеро ин мусобиқа на танҳо барои муайян кардани қаҳрамони ҷаҳон, балки барои муайян кардани самти ояндаи футболи ҷаҳонӣ низ аҳамияти бузург дорад.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед