ВАРЗИШ
Душанбе 06 Феврал 2023 09:06
5478
Бахшида ба 26 - солагии таъсисёбии Қувваҳои мусаллаҳи Ҷумҳурии Тоҷикистон дар деҳаи Барушони ҷамоати Назаршо Додихудоеви ноҳияи Рӯшон бо иқдоми Бахши кор бо ҷавонон ва варзиши ноҳия байни 12 дастаи ҷавонону наврасон мусобиқаи ноҳиявӣ оид ба баскетбол доир гашт.

Чорабинии варзишӣ бо ҳадафи таҳкими дӯстию ваҳдат байни наврасону ҷавонон, баланд бардоштани маҳорати варзишии бозингарон, оммавигардонии варзиш, ташвиқу тарғиби тарзи ҳаёти солим ва муайян намудани дастаи мунтахаби ноҳия гузаронида шудааст.

Ба гуфтаи Қаландар Давлатмамадов, мудири бахш, дастаҳо аз ҷамоатҳои дуру наздики ноҳия дар мусобиқа ширкат варзида, аз худ маҳорати баланди варзиширо нишон доданд.

Дар даври охир баҳри гирифтани зинаи аввал дастаҳои “Вамар - 1” ва “Вамар – 2” бо ҳам рақобат карда, “Вамар – 1” бо ҳисоби 31 : 30 ва бартариҳои зиёд бар дастаи рақиб ғолиб омада, ҷойи аввалро ишғол намуд ва соҳиби Ҷоми Бахши кор бо ҷавонон ва варзиш шуд. Зинаи сеюмро тими “Барушон” ба даст овард.

Ғолибон бо ифтихорнома, медал ва мукофотпулии бахш сарафроз гардиданд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 1 2 3 4 5

Феврал 2023 c.