Бо ташаббуси Раёсати кор бо ҷавонон ва варзиши ВМКБ дар Маркази омодагии олимпии шаҳри Хоруғ ва маҳаллаҳои маркази вилоят силсилачорабиниҳои оммавӣ - варзишӣ оғоз ёфтанд.

Дар ин бора сардори раёсат Сураҷ Чоршанбиев иттилоъ дода гуфт, чунин сабқатҳо, аз ҷумла футболи хурд дар марказ байни панҷ дастаи Клуби волонтёрони раёсат ва ҳамзамон ҷавонони маҳаллаҳои Хоруғи Боло, Носири Хурав, Тем роҳандозӣ шуданд.

Ҳадаф аз гузаронидани чорабиниҳо ташвиқу тарғиби тарзи ҳаёти солим, оммавӣ гардонидани варзиш, мустаҳкам намудани дӯстии наврасону ҷавонон ва волонтёрон арзёбӣ гашт.