Дар ноҳияи Мурғоб миёни панҷ дастаи ҷавонон мусобиқаи волейбол доир гардид. 

Мусобиқа бо ташаббуси Бахши кор бо ҷавонон ва варзиши ноҳия доир гардида, дар он зиёда аз 30 нафар волейболбозони варзидаи ҷамоати Мурғоб ҷалб гардиданд.

Ҷои аввалро дастаи “Ҷавонон – 92” гирифта ғолиби мусобиқа эълон гардид. Зинаҳои дуюму сеюмро тимҳои “Баш – киштак” - у “Ҷавонон – 95” соҳиб гаштанд.

Ба гуфтаи Рамазон Пайшанбиев, сармутахассиси бахш, ҳоло чорабиниҳои гуногун ба хотири оммавияти варзиш ва таҳкими тарзи ҳаёти солим дар ҷамоатҳою деҳоти ноҳия идома доранд.