ВАРЗИШ
Чоршанбе 12 Август 2020 05:43
3139
Имрӯз, 19-уми июл, дастаи мунтахаби ҷавонони то 23 солаи кишвар оид ба футбол дар доираи бозиҳои гуруҳии Ҷоми Осиё бозии нахустинашро дар гурӯҳи “Е” бо мизбони мусобиқот, тими ҷавонони Фаластин баргузор менамояд.

Ин дидор дар варзишгоҳи “Дура”-и шаҳри Ҳеврон соати 21:30 ба вақти маҳаллӣ оғоз меёбад.

Бозиҳои гурӯҳи “Е”-и қаҳрамонии Осиё-2018 (U-23) аз 21-уми июл то 23-уми июл дар шаҳри Ҳеврони Фаластин гузаронида мешавад, ки дастаҳои мунтахаби ҷавонони футболи Бангладеш, Тоҷикистон, Урдун ва Фаластин байни ҳам рақобат менамояд.

Футболбозони ҷавони тоҷик дар даври дуюм рӯзи 21 июл бо мунтахаби Бангладеш ва дар дидори сеюм рӯзи 23 июл бо дастаи ҷавонони Урдун вориди майдон мешаванд.

Ёдовар мешавем, ки марҳилаи ниҳоии қаҳрамонии Осиё (U-23), аз 9 то 27 январи соли 2018 дар давлати Чин доир хоҳад шуд. Ҳаққи ширкат дар бозиҳои финалиро ғолибони 10 гурӯҳи интихобӣ ва 5 дастаи ҷойҳои дуюм ишғолкарда аз рӯи нишондодҳои беҳтарин ба даст меоранд.

Дар ин мусобиқа мунтахаби ҷавонони Чин берун аз озмун иштирок мекунад.

Дастаи мунтахаби ҷавонони Тоҷикистон (U-23) зери роҳбарии Ҳаким Фузайлов бо чунин ҳайат дар бозиҳои гурӯҳи “Е” ба майдон мебароянд:

Дарвозабонҳо: Фатҳулло Бобоев (“Ҳосилот”), Беҳрӯз Хайриев (“Барқчӣ”), Дилшод Додобоев (“Хуҷанд”);

Ҳимоятгарон: Табрези Давлатмир (“Истиқлол”), Азимҷон Раҳмонов (“Вахш”), Фирдавс Чақалов, Зоир Ҷӯрабоев (ҳарду – ССКА “Помир”), Зиёвуддин Фузайлов, Ваҳдат Ханонов (ҳарду – “Барқчӣ”), Доробҷон Эргашев (“Регар-ТадАЗ”), Ойбек Абдуғаффоров (“Ҳосилот”), Фаррух Фузайлов (“Панҷшер”);

Нимҳимоятгарон: Нозим Бобоҷонов (“Баҳрайн”, Баҳрайн), Мӯҳсинҷон Парпиев, Кароматулло Саидов (ҳарду – “Барқчӣ”), Эҳсони Панҷшанбе (“Истиқлол”), Муҳаммадҷони Ҳасан (“Ҳосилот”), Вайсиддин Сафаров (“Сомон”), Далер Умаров, Худойдод Узоқов (ҳарду – “Вахш”);

Ҳамлагарон: Амирҷон Сафаров, Шериддин Бобоев, Шаҳром Самиев (ҳарсе – “Барқчӣ”).

Мусобиқаи қаҳрамонии Осиё-2018 (U-23)
Сабқати интихобӣ. Гурӯҳи “Е”

Даври 1-ум 19 июл (чоршанбе)

18:30 – Урдун – Бангладеш
21:30 – Тоҷикистон – Фаластин

Даври 2-юм 21 июл (ҷумъа)

18:30 – Бангладеш – Тоҷикистон
21:30 – Фаластин – Урдун

Даври 3-юм 23 июл (якшанбе)

18:30 – Урдун – Тоҷикистон
21:30 – Фаластин – Бангладеш

Оғози бозиҳо - бо вақти Душанбе

Шаҳбози АСОМИДДИН, “ҶТ”


Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Август 2020 c.