18-умин қураъкашии даври ниҳоии чемпионати Осиё-2018 оид ба футбол миёни мунтахабҳои 16-сола, рӯзи 26 апрел дар Бинои марказии Конфедиратсияи футболи Осиё, воқеъ дар шаҳри Куала-Лумпури Малайзия баргузор мегардад.

Конфедиратсияи футболи Осиё (КФО) 16 дастаҳои наврасони Осиёро, ки ба даври ниҳоӣ роҳ ёфтаанд, ба 4 сабад тақсим намуд. Дастаи якачини то 16 - солаи Тоҷикистон дар сабади 4 бо тимҳои мунтахаби Иордания, Афғонистон ва Индонезия ҷой гирифт.

18-умин Чемпионати Осиё оид ба футбол байни наврасони то 16-сола аз 20 сентябр то 7 октябр дар давлати Малайзия доир мегардад.
 
Тимҳое, ки дар гурӯҳ ҷойҳои намоёнро мегиранд, барои ба даст овардани медалҳо дар даври 4/1 финал рақобатро идома медиҳанд.

Чор дастаи беҳтарине, ки дар чемпионати Осиё-2018 ҷойҳои ифтихориро сазовор мешанд, ба чемпионати Ҷаҳон-2019 роҳ меёбанд.
 
Чемпионати ҷаҳон-2019 дар мамлакати Перу мегузарад.

Ёдовар мешавем, ки мунтахаби наврасони кишвар оид ба футбол маротибаи сеюм (2006, 2010,2018) роҳхати бозиҳои финалии Осиёро ба даст меоранд. Соли 2006 тими наврасони Тоҷикистон дар бозиҳои ниҳоии чемпионати Осиё, ки дар Сингапур баргузор шуда буд, медали нуқраи мусобиқаро ба даст оварда, ҳақи ширкат намудан ба чемпионати ҷаҳон-2007-ро соҳиб шуда буданд.

Дастаҳое, ки барои қуръакашии чемпионати Осиё-2018 дар сабадҳо ҷоий гирифтанд:

Сабади 1: Малайзия, Ироқ, Эрон, Ҷумҳурии халқии демократии Корея
Сабади 2: Ҷопон, Умон, Ветнам, Кореяи Ҷанубӣ
Сабади 3: Яман, Ҳиндустон, Таиланд, Австралия
Сабади 4: Тоҷикистон, Иордания, Афғонистон, Индонезия