Баҳри дарёфти ду шоҳҷоизаи тамғаи "Опел" дар ноҳия Ванҷ мусобиқаи кушоди ноҳиявӣ баргузор гашт.

Дар он 130 нафар паҳлавон аз шаҳри Хоруғ, ноҳияҳои Дарвоз, Рӯшон, Шуғнон ва Ванҷ миёни ҳам рақобат карданд.

Масрур Ғайратов, мудири Бахши кор бо ҷавонон ва варзиши ноҳия иттилоъ дода гуфт, ки шоҳҷоизаҳо аз ҷониби мақомоти иҷроияи маҳаллии ҳокимияти давлатии Ванҷ ва тӯҳфаҳо барои собиқадорони варзиши ноҳия аз тарафи раиси Федератсияи самбо ва ҷудои вилояти Иркутскии кишвари Русия пешбинӣ гаштанд.

Дар охир шоҳҷоизаҳо насиби паҳлавонони Ванҷ Фарёд Шейхов (вазни 80 кило) ва Ёқуб Боқиев (вазни 70 кило) шуданд.

Бояд зикр намуд, ки мусобиқа ба ифтихори Иди байналмилалии Наврӯз дар ҷамоати Маҳмадулло Абдуллоеви ноҳия доир гардид.