15 июни соли ҷорӣ ҷавонони фаъоли ҷумҳурӣ ҷиҳати иштирок дар Фестивал намоиши ҷумҳуриявии "Зиннату ҳусни ҷавонист чакан" ба вилояти Хатлон сафар намуданд.

Нахуст иштирокчиёни фестивалро дар ноҳияи Восеъ бо нону намак гарму самимӣ истиқбол гирифтанд.

Ғафурзода Мусо Зариф, раиси ноҳия пас аз истиқбол кулли меҳмононро хайрамақдам гуфта, иқдоми мазкурро, ки бо ибтикори Кумитаи кор бо ҷавонон ва варзиш рӯи кор омадааст, хубу саривақтӣ хонд.

Сипас Аҳмадзода Дилноза, муовини раиси Кумитаи кор бо ҷавонон ва варзиш суханронӣ намуда, баргузории фестивалро омили таҳкими дӯстӣ миёни ҷавонон арзёбӣ карда, доир шудани онро таваҷҷуҳи пайвастаи Ҳукумати кишвар ба насли ҷавон унвон кард.