ВАРЗИШ
Чоршанбе 17 Июл 2024 05:16
3932
Бо ташаббуси Раёсати кор бо ҷавонон ва варзиши ВМКБ, Шуъбаи маорифи шаҳри Хоруғ дар якҷоягӣ бо Муассисаи давлатии маркази ҷавонони вилоят байни толибилмони МТМУ №2 ба номи Давлаталӣ Шабдолов ва ризокорони муассиса таҳти унвони “Ҳаёти солим - интихоби мост!” мусобиқаи варзишӣ доир гардид.

Мусобиқачиён аз рӯи намудҳои дастхобонӣ, арғамчинкашӣ, вазнбардорӣ, пойгаи эстафетӣ, давидан бо пуфаку ракеткаи теннис, бардоштани сатили обдор, ба ҳалқа партофтани тӯби баскетбол ва ғайра бо ҳам рақобат намуданд.

Мувофиқи холҳои умумӣ дастаи “Мактаби №2” бо бартариҳои зиёд бар тими “Маркази ҷавонон” ғолиб омада, сазовори ҷойи аввал гардид.

Ғолибон аз тарафи Раёсат, Бахши он дар шаҳри Хоруғ ва муассисаи мазкур бо ифтихорнома, лавозимоти варзишиву дигар мукофоти хотиравӣ қадрдонӣ шуданд.




Эзоҳи худро нависед



Рамзҳо дар расм