Бо ибтикори Бахши кор бо ҷавонон ва варзиши ноҳияи Дарвоз байни муассисаҳои таҳсилоти миёнаи умумии ноҳия мусобиқаи волейбол баргузор гардид.

Ба иттилои масъулини Бахш, мусобиқа ба ифтихори “Соли ҷавонон” ва баҳри муайян намудани дастаи мунтахаб аз миёни наврасон ташкил шуда, дар он 8 даста байни ҳам рақобат намуданд.

Аз миёни дастаҳо тимҳои “МТМУ № 8–Рузвай” ва “МТМУ № 6–Ёгед” ба даври ниҳоӣ баромаданд, ки дар натиҷа тими “МТМУ № 8–Рузвай” бар дастаи рақиб бо ҳисоби 3:2 (25:18, 26:24, 26:24, 25:16, 15:06) ғалаба карда, ҷои аввалро ишғол намуд.

Ба ғолибон аз тарафи Бахш ифтихорномаву лавозимоти варзишӣ тақдим гардид.