Ба муносибати Рӯзи ҷавонони Тоҷикистон дар ҷамоати Рустамбек Юсуфбекови ноҳияи Ишкошим байни 10 дастаи ҷавонони ноҳия мусобиқаи футболи хурд гузаронида шуд.

Чорабиниро Бахши кор бо ҷавонон ва варзиши ноҳия ташкил намуда, дар фарҷоми он ғолибон бо ифтихорномаву туҳфаҳои гуногун қадрдонӣ гаштанд.

Аз рӯи натиҷаҳои даври ниҳоӣ тими “Умед” сазовори зинаи аввал шуда, дастаҳои “Маркази ноҳия” ва “Қозидеҳ” ҷойҳои дуюму сеюмро ишғол намуданд.

Ба гуфтаи Гулнора Шердилова, мудири бахш, бозиҳои варзишӣ ва чорабиниҳои фарҳангии “Моҳвораи ҷавонон” дар ҳамаи ҷамоатҳои ноҳия идома доранд.