Бо иштироки Имомназар Хоҷаназар Лутфулло, раиси ноҳияи Рӯшон, роҳбарон, намояндагони мақомоту идораҳои маҳаллӣ, бошандагон ва наврасону ҷавонони ноҳия ба муносибати Рӯзи варзишгарон мусобиқаи гӯштини миллӣ байни варзишгарони навраси соли таваллудашон 2004–2006 баргузор гардид.

Ба гуфтаи Шӯҳрат Алиев, сармутахассиси Бахши кор бо ҷавонон ва варзиши ноҳия, мусобиқа ҳамчунин ба хотири рушди гӯштини миллӣ байни ҳамаи табақаҳои аҳолӣ, эҳтиром ба арзишҳои миллӣ ва сарҷамъии мардум ташкил гардида, дар он беш аз 60 нафар варзишгар иштирок намуданд.

Ғолибон аз тарафи роҳбарияти ноҳия, Бахши кор бо ҷавонон ва варзиш, мактаби варзишии Рӯшон бо медал, ифтихорнома ва мукофоти пулӣ қадрдонӣ гардиданд.

Раиси ноҳия варзишгаронро ба зиёфати идона даъват намуда, миёни онҳо мулоқоти озоду самимӣ доир намуд.

Машҳур ИМОМНАЗАРОВ, “ҶТ”