ВАРЗИШ
Панҷшанбе 30 Июн 2022 08:57
1364
16 август рӯйхати варзишгароне, ки дар Бозиҳои XXXI тобистонаи олимпӣ дар Рио-де-Жанейрои Бразилия иштирок мекунанд,  аз рӯи намуди гурзандозӣ маълум гардид.

Дар он 32 варзишгар аз 26 давлат дар ду гурӯҳ А ва В  миёни ҳам рақобат мекунанд.

Дар ин мусобиқа аз Британияи Кабир, Булғористон ва Иёлоти Муттаҳидаи Амрико сенафарӣ, аз Полша ва Эрон дунафарӣ ва аз кишварҳои дигар якнафарӣ иштирок мекунанд.

Дилшод Назаров, варзишгари тоҷик шомили гурӯҳи В буда,  дар ин гурӯҳ дунафарӣ аз Булғористону Британияи Кабир ва якнафарӣ аз Финляндия, Венгрия, Молдова, Мексика, Узбакистон, Юнон, Ҷумҳурии Чех, Булғористон, Туркия, Тоҷикистон, Иёлоти Муттаҳидаи Амрико ва Эрон шомиланд.

Рақобатҳо миёни варзишгарони гурӯҳи В 17 август соати 11:05 ба вақти маҳаллӣ (соати 19:05 ба вақти Душанбе) шуруъ мешавад.

Дилшод Назаров таҳти рақами 2967 баъди дувоздаҳум нафар ҳунарнамоӣ мекунад.

Ёдовар мешавем, ки натиҷаи беҳтарини Дилшод Назаров 80 метру 71 сантиметр мебошад. Дар ин гурӯҳ рақибони асосии ӯ Иван Тихони 40-солаи беларус (натиҷаи беҳтаринаш – 84.51 м), Кристиан Парс Маҷористон (натиҷаи беҳтаринаш – 82.69 м) ва Войтсех Новитск аз Лаҳистон (натиҷаи беҳтаринаш – 78.71 м) мебошанд.

Дар гурӯҳи  А  бошад, 16 варзишгар миёни ҳам рақобат мекунад, ки аз миёни онҳо натиҷаи баландро то имрӯз Павел Файҷек, варзишгар аз Лаҳистон ба даст овардааст, ки рекорди инфиродияш  83.93 метр аст.

Рекорди ҷаҳонӣ аз ин риштаи варзиш то имрӯз бо натиҷаи 86.74 метр ба Юрих Седих (Иттиҳоди Шӯравӣ) тааллуқ дорад. Ӯ ин натиҷаро 30 августи соли 1986 дар Штутгарти Олмон нишон додааст.

Рекорди олимпӣ бошад, 84.80 метр аз ҷониби Сергей Литвинов (Иттиҳоди Шӯравӣ) 26 сентябри соли 1988 дар Сеули Кореяи Ҷанубӣ гузошта шудааст.

Тибқи низомнома баъди натиҷаи даври аввал аз миёни 32 варзишгар 12 гурзандоз ба даври ниҳоӣ роҳ меёбанд, ки 19 август муборизаро барои медалҳои олимпӣ идома медиҳанд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

Июн 2022 c.