Ба ифтихори 30 - солагии Истиқлолияти давлатии Ҷумҳурии Тоҷикистон дар Ҷамоати деҳоти Назаршо Додихудоеви ноҳияи Рӯшон миёни 16 дастаи ҷавонони ноҳия мусобиқаи футболи хурд доир гашт.

Мусобиқаи ноҳиявӣ бо мақсади ба даст овардани Ҷоми Раиси Ҳизби Халқии Демократии Тоҷикистон дар ноҳия ва таҳкими ҳаёти солим гузашта, ғолибони он бо диплом, медал, ифтихорнома ва мукофотпулӣ мушарраф шуданд.

Аз рӯи натиҷаҳои даври ниҳоӣ тими "Дерушон" зинаи аввалро ишғол намуда, Ҷоми раиси ҲХДТ - ро ба даст овард.

Дастаҳои "Дерзуд" - у "Вамар" бошад, ҷойҳои дуюму сеюмро соҳиб гардиданд.