27-умин Чемпионати футболи Тоҷикистон байни дастаҳои Лигаи олӣ рӯзи 10 март шуруъ мешавад. Бино ба иттилои Лигаи футболи Тоҷикистон (ЛФТ), дар ин мавсим 8 даста дар се давр 21 бозӣ анҷом медиҳанд.
  
Бошгоҳе, ки дар ҷадвали мусобиқа ба зинаи охир мефарояд, Лигаи олиро тарк мекунад. Дастае, ки дар мавқеи ҳафтум қарор мегирад, барои нигоҳ доштани мавқеаш дар Лигаи олӣ бо гирандаи медалҳои нуқраи лигаи аввали кишвар рақобат менамояд.

Қуръакашии Чемпионати Тоҷикистон-2018 оид ба футбол байни дастаҳои Лигаи олӣ  22 феврал бо иштироки намояндагони дастаҳои Лигаи олии кишвар дар Телевизиони “Варзиш” баргузор гардид.

Дар даври аввал чор дидор миёни дастаҳои “Панҷшер” (Ҷалолиддини Балхӣ) – “Кӯктош” (Рӯдакӣ), ССКА “Помир” (Душанбе) – “Хуҷанд” (Хуҷанд), “Хатлон” (Бохтар) – “Истиқлол” (Душанбе) ва “Барқчӣ” (Душанбе) – “Регар-ТадАЗ” (Турсунзода) доир мегардад. 

Маврид ба зикр аст, ки соли гузашта дастаи “Истиқлол”-и шаҳри Душанбе маротибаи шашум ғолиби мусобиқаи қаҳармонии Лигаи олӣ кишвар шуда, бо медалҳои тилло сарфароз гаштанд. Дастаи “Хуҷанд”-и шаҳри Хуҷанд ҷойи дуюмро касб намуда, медалҳои нуқраро ба гардан овехтанд. Футболбозони дастаи ССКА “Помир” бошанд соҳиби медалҳои биринҷӣ гардиданд.

Аз рӯйи натиҷаи қуръакашӣ чор бозии даври аввали Чемпионати Тоҷикистон-2018 оид ба футбол муайян гардид:

Даври 1-ум
“Панҷшер” – “Кӯктош”
КМВА “Помир” – “Хуҷанд”
“Хатлон” – “Истиқлол”
“Барқчӣ” – “Регар-ТадАЗ”

Даври 2-юм
“Кӯктош” – “Регар-ТадАЗ”
“Истиқлол” – “Барқчӣ”
“Хуҷанд” – “Хатлон”
“Панҷшер” – КМВА “Помир”

Даври 3-юм
КМВА “Помир” – “Кӯктош”
“Хатлон” – “Панҷшер”
“Барқчӣ” – “Хуҷанд”
“Регар-ТадАЗ” – “Истиқлол”

Даври 4-ум
“Кӯктош” – “Истиқлол”
“Хуҷанд” – «Регар-ТадАЗ”
“Панҷшер” – “Барқчӣ”
КМВА “Помир” – “Хатлон”