Бозии ниманиҳоии Лигаи қаҳрамонҳо миёни дастаи “Реал”-и шаҳри Мадриди Испания ва “Бавария”-и шаҳри Мюнхени Олмон бо ҳисоби мусовии 2:2 хотима ёфт.

Шуруъ аз оғози бозӣ меҳмонон аз фурсат хуб истифода карда, тӯбро вориди дарвозаи Кейлор Навас намуданд. Голро дар дақиқаи 3 ҳимоятгар Йозуа Киммих ба номаш сабт кард. Баъд аз 7 дақиқа дастпарвари “Реал” Карим Бензема тӯбро бо сар ба дарвозаи “Бавария” намуд. Бо ҳамин қисми аввал 1-1 (3-2) поён ёфт.

Дар оғози қисми дуюми рақобат футболбози фаронсавӣ Карим Бензема аз иштибоҳи дарвозабони “Бавария” истифода карда, маротибаи дуюм тӯбро вориди дарвозаи ҳариф гардонд. Футболбозони бошгоҳи “Бавария” ба ҳариф фишор оварда, дар дақиқаи 63 ҳисобро баробар намуданд. Муаллифи гол собиқ бозингари “Реал” Хамес Родригес дониста шуд.

Ҳамин тавр бозӣ бо ҳисоби мусовии 2:2 хотима ёфт ва дар ҳисоби умумӣ шогирдони Зидан бо ҳисоби 4-3 ғалаба намуда, роҳхати марҳилаи ниҳоиро ба даст овард.

Зимнан дастаи “Реал” маротибаи сеюм аст, ки пай дар пай ба даври ниҳоии мусобиқаи мазкур роҳ ёфта, нишондодҳои дастаҳои “Милан” ва “Ювентус”-ро такрор намуд. Дастаҳои лигаи олии Италия “Милан” бо сардории Фабио Капелло (1993-1995) ва “Ювентус” бо роҳбарии Марчелло Липпи (1996-1998) рекорди мазкурро ба номи худ сабт намуда буданд.

“Реал” 12 бор барандаи Ҷоми Лигаи қаҳрамонҳо гардида, дар панҷ соли охир 4 маротибаи ба финали Лигаи қаҳрамонҳои Аврупо роҳхат гирифтааст ва се маротиба (солҳои 2013, 2016 ва 2017) қаҳрамон шудааст.

Шоми имшаб, 2-уми май иштирокчии дигари даври финалии Лигаи чемпионҳо дар бозӣ байни тимҳои “Рома” ва “Ливерпул” муайян хоҳад шуд. Бозии аввал ба нафъи шогиирдони Юрген Клопп сармураббии тими “Ливерпул” бо ҳисоби 5-2 хотима ёфта буд.