Федератсияи байналмилалии футбол (FIFA) рейтинги нави дастаҳои миллиро нашр кард. Тими мунтахаби Тоҷикистон назар ба моҳи гузашта 2 зина боло рафта, бо 231 хол дар ҷои 129-ум ҷой гирифт.

Миёни дастаҳои мунтахаби кишварҳои Осиё бошад, тими миллии Тоҷикистон як зина боло - ҷои 19-ум - рафт. Дар Осиё мисли пеш Эрон пешсаф аст (ҷои 29 дар ҷаҳон), Кореяи Ҷанубӣ дар мақоми дуюм (37-ум дар ҷаҳон) ва Ҷопон дар ҷои сеюм (45-ум дар ҷаҳон) ҳастанд.

5 ҷои аввалро дар рейтинги ҷаҳонӣ мисли моҳи гузашта Аргентина, Бразил, Олмон, Чилӣ ва Белгия муаррифӣ мекунанд.