Мусобиқаи байналмилалии «Роҳи абрешим-Хуашан-2016», дар Ҷумҳурии Халқии Чин ба анҷом расид.

Дар ин мусобиқа тими мунтахаби футболи наврасони то 16 -солаи Тоҷикистон ба медалҳои нуқра сарфароз гардиданд.



Футболбозони тоҷик дар вохӯрии охирини худ бар мизбони мусобиқа, тими мунтахаби Чин бо натиҷаи 1:0 ғалаба карданд. Голи ягона ва ҳалшавандаи бозиро Ваҳдат Ҳанонов дар дақиқаи 61 ба самар расонд.



Дар вохӯрии дигари ин давр футболбозони Кореяи Ҷанубӣ бар тими мунтахаби наврасони Туркманистон бо ҳисоби 3:0 ғолиб омаданд.

Ҳамин тавр тими футболи наврасони то 16-солаи тоҷик бо роҳбарии сармураббии даста, Зайниддин Раҳимов аз се вохӯрӣ дар дутоаш дастболо гардида, аз ғолиби мусобиқа, тими мунтахаби Кореяи Ҷанубӣ бо ҳисоби 1:3 мағлуб шуданд.



Ҷоми "Роҳи Абрешим - Хуашан-2016":

Даври аввал
Ҷумҳурии Корея – ТОҶИКИСТОН – 3:1
Чин – Туркманистон – 4:1

Даври дуюм
Туркманистон – ТОҶИКИСТОН – 2:3
Чин – Ҷумҳурии Корея – 0:1

Даври сеюм
ТОҶИКИСТОН – Чин 1:0
Кореяи Ҷанубӣ – Туркманистон 3:0