Криштиан Роналдо ҳамлагари тими мунтахаби "Португалия" ва дастаи "Реал Мадрид"-и Испания шоми 12 декабр дар маросими овоздиҳии ФИФА беҳтарин бозингари сол ва ғолиби "тӯби тиллоӣ" -2016 гардид.

Ҳамлагари "Реал" Кириштиан Роналдо дар сӯҳбат ба рӯзноманигорон иброз дошт ки: "Барои ман чорумин бор соҳиб гаштан ба тӯби тиллоӣ  шараф аст. Ин ҷоизаро мисли он ки бори аввал гирифта истодаам, ба худ пазируфтам. Фикр намекардам, ки чор маротиба "Тӯби тиллоӣ" насиби ман мегардад. Хеле хурсанд ҳастам ва ба ҳамдастаҳоям ташаккур мегӯям, орузи ман амалӣ гардид. Агар тими мунтахаби Партугалия ва дастаи “Реал Мадрид” дар чемпионатҳо ғолиб намебаромад ман ин тӯҳфаро қабул намекардам, зеро ҳамеша дар радифи аввал  дастаам ва тимамро мегузорам” мегӯяд,- Роналдо.

Президенти Португалия Марсел Ребел ди Соза ҳамлагари тими кишварашро бо соҳиб шудан ба "Тӯби тиллоӣ"-2016 табрик намуд ва қайд намуд, ки ба бозингари 31 сола чорумин бор соҳиб гаштан ба "Тӯби тиллоӣ" дар таърихи кариерааш нишондоди беҳтарин аст.  

Ёдовар мешавем, ки бозингари 31 солаи партугалӣ  чорумин маротиба тӯби тиллоиро соҳиб мегардад (2008,2013,2014 ва 2016). Барои соҳиб гаштан ба "Тӯби тиллоӣ" рақибони асосии Роналдо, Лионел Месси аз дастаи «Барселона» ва Антуан Гризманн аз «Атлетико» ҳисобида мешуданд.

Дар ҳоли ҳозир ҳамлагари дастаи "Барселона" Лионел Месси бо доштани 5 “Тӯби тиллоӣ” дар мақоми аввал қарор дорад.