Ҳамлагари португалии тими “Ал-Насар” Криштиану Роналду дар бозии ниманиҳоии Суперҷоми Арабистони Саудӣ шоми 8-уми апрел, муқобили “Ал-Ҳилол” корти сурх гирифт.

Ҳамлагар дар дақиқаи 86-ум барои рафтори ғайриварзишӣ аз майдон ронда шуд. Роналду кӯшиш кард, ки тӯбро зуд аз аут ба бозӣ дарорад ва ҳангоми партофти тӯп бозингари рақиб Алӣ Ал-Булайҳӣ садди роҳаш шуд. Амали Булайҳӣ Роналдуро асабони кард ва ӯ бо оринҷаш ба қафаси синаи бозингари “Ал-Ҳилол” зарба зад, ки ӯ ба замин афтод ва тавре вонамуд мекард, ки ҷароҳати сахт бардоштааст.

Баъди ин дар майдон байни бозингарон задухӯрд ба амал омад. Роналдо ҳангоми аз майдон баромадан хост довари бозиро лату кӯб кунад, аммо ҳамдастагонаш садди роҳаш шуданд. Вохӯрии дастаҳо бо хисоби 2:1 ба фоидаи “Ал-Ҳилол” анҷом ёфт.

Бояд гуфт, ки рӯзи 26 феврал Роналду пас аз бозии даври 21-уми Чемпионати Арабистони Саудӣ бо тими “Аш-Шабоб” мухлисони дастаи рақибро ҳам дашном дода буд.

Ёдовар бояд шуд, ки Роналду 30 декабри соли 2022 ба дастаи арабии “Ал-Наср” гузариш анҷом дод. Шартномаи ӯ барои ду сол амал мекунад.