ВАРЗИШ
Шанбе 04 Май 2024 11:59
Номи ин ронандаи афсонавӣ кайҳо боз вирди забонҳост. Имрӯз ҳар нафаре бо мошин амали ғайриодӣ нишон диҳад, зуд бо ин ронандаи беҳамто қиёсаш мекунанд. Ҳисоб кардани унвону ҷоизаҳояш вақти зиёд мегирад, танҳо гуфтан кофист, ки ӯ аз соли 1996 то соли 2005 ҷойи аввалро ба касе намедод. Бе муболиға метавон гуфт, ки то ҳол нафаре пайдо нашудааст, ки рекорди ӯро дар пойгаи автомобилӣ такрор карда бошад.
МОШИНРОНӢ ДАР 4 – СОЛАГӢ
Михаил Шумахер соли 1969 дар шаҳри Ҳурт – Ҳермюлхайми Олмон дар оилаи устои мошин таваллуд шудааст. Падараш Ролф Шумахер устои мошин ва модараш Элизабет дар мактаб омӯзгор шуда кор мекарданд. Шояд бовар кардан душвор бошад, аммо ин факт ҳақиқат дорад, ки Шумахер дар 4 - солагӣ рондани мошин омӯхту дар 5 - солагӣ бо мошини падар дар шаҳр озодона гаштугузор мекард. Шавқу рағбаташ ба мошину мошинронӣ аз касби падар оғоз ёфт, зеро падараш ҳамарӯза мошин таъмир мекарду Шумахери наврас аз падар пинҳонӣ мошинҳои мизоҷонро дуздида меронд.
Дар баробари мошиндӯстӣ, инчунин ба варзиши ҷудо ва каратэ рағбати беандоза дошт. Ҳанӯз аз 10 – солагӣ Шумахер дар мусобиқаҳои шабонаи мошинронӣ иштирок карда, ҳамеша якум шуда, ба хатти марра мерасид ва ҳамагонро дар ин синну сол ҳайратзада мекард. Ӯ орзу мекард, дар мусобиқаҳои бонуфузи пойгаи мошинҳо иштирок кунад.
Дар 14 – солагӣ вай шаҳодатномаи ронандагӣ гирифт, ки ба ӯ ҳуқуқи дар чемпионатҳои ҷаҳонӣ баромад карданро фароҳам овард, акнун рӯъёҳо ба ҳақиқат павастанд, баъд аз ин майдонҳои бузург ӯро интизор буданд.
БАРОДАРОНИ БОМАҲОРАТ
Бародари хурдии Михаил Ралф Шумахер низ ҳаёти худро ба мусобиқаҳои мошинронӣ бахшидааст. Вай фаъолияти худро дар ин самт пас аз 10 соли фаъ-олияти Михаил оғоз кард ва муваффақ ҳам шуд. Бузургтарин ғалабаи бародарон барои ба даст овардани ҷоизаи “Schumacher Jr” марҳилаи 4-уми ҷоми ҷаҳон дар соли 2001 ба ҳисоб мерафт, ки дар ин мусобиқа Михаил ҷойи аввал ва бародараш ҷойи дуввумро ишғол карда буданд.
ТАСХИРИ “ФОРМУЛА 1”
Фаъолияти касбии Михаил Шумахер дар ҷодаи пойгаи автомобилҳо ва ё ба истилоҳ “гонка” аз соли 1984 оғоз ёфтааст. Шуруъ аз соли 1984 то 1987 Шумахер дар як қатор чемпионатҳои Аврупо ва Олмон иштирок намуда, ҳамвора пирӯз мешуд ва ин пирӯзиҳо диққати ширкатҳои автомобилии “Мерседес” ва “Ферари”-ро ба худ ҷалб кард. Ҳамин буд, ки ин ду абарширкати автомобилӣ бо варзишгар шартномаи ҳамкорӣ бас-танд ва сарпарастиашро ба уҳда гирифтанд.
Мусобиқаи аввалини варзишгар дар “Формула 1” бо муваффақият анҷом ёфт. Вай дар кӯтоҳтарин вақт ба марҳилаи ҳафтуми мусобиқа расид, ки ин барои як наврас натиҷаи хуб буд.
Дар соли 1996, Михаил Шумахер бо “Ферари” қарордоди дубора имзо кард ва шуруъ аз ҳамон сол ӯ бо мошинҳои ширкати “Ферари” вориди мусобиқа мешуд. Акнун ғолибиятҳо шуруъ гардид. Аз оғози соли 1996 то соли 2004 Шумахер дар дилхоҳ мусобиқаҳои “Формула 1” пирӯз мешуд, ки ин рекорд ба ҳеҷ як варзишгари ин ришта даст надодааст. Ин варзишгари бомаҳорат дар фаъолияти варзишии худ 7 маротиба унвони чемпиониро соҳиб шудааст.
ОҒОЗИ НОКОМӢ
Соли 2005 барои Михаил бебарор оғоз ёфт. Ӯ дар чемпионати ҷаҳон, ки дар Боку баргузор гардида буд, ғайричашмдошт бо ферариаш ҷойи севумро ишғол кард ва ҷойи якуми мусобиқа насиби варзишгари Фаронса Фернандо Алонсо гардид. Акнун Шумахер барои мусобиқаи соли 2006 омодагӣ мегирифт ва пайваста тамрин мекард. Соли 2006 низ бахт ба рӯйи варзишгар нахандид, зеро дар ин сол низ рақиби азалиаш - Алонсо унвони чемпиониро моли худ карду ҷойи дуввумро ба Шумахер дод. Баъд аз ду бохти ҳангомавӣ варзишгар ба қароре омад, ки тарки “Формула 1” мекунад ва бо ҳамин карйераи варзишии худро хотима мебахшад. Ӯ дигар мехост дар ширкати “Ферари” на ба ҳайси варзишгар, балки ба ҳайси як коршинос фаъолият намояд. Дере нагузашта дастаи “Мерседес-Бенс” ба варзишгар шартномаи 3-соларо пешниҳод кард ва ӯ таваккал карду ба ин пешниҳод розӣ шуд.
Акнун дар рақобатҳои дигар Шумахер пайваста шикаст мехӯрду бо ҷойи дуввуму севум қаноат мекард, аммо соли 2010 дар чемпионати ҷаҳон ҷои 9-умро ишғол кард, ки ин натиҷа аз мусобиқаҳои баъдӣ дилсардаш кард ва эҳсос намуд, ки пир шудаасту дигар наметавонад, натиҷаи солҳои 2000-умро такрор намояд. Ҳамин буд, ки моҳи октябри соли 2012 расман корномаи варзишии худро хотима бахшид.
ҲАЁТИ ОСОИШТА
Баъди рафтан аз варзиш Михаил бо ҳамсараш Корина Бетх ва фарзандонаш Ҷина ва Мария аз Олмон ба Женеваи Шветсария кӯчиданд ва дар ин шаҳри афсонавӣ зиндагии шоҳонаро оғоз намуданд. Сармояи варзишгар дар он замон марзи 1 миллиардро убур карда буд ва барои зиндагонии арзанда кифоягӣ мекард. Инчунин, дар ихтиёри оила тайёраи шахсӣ ва чандин истироҳатгоҳҳои хубу барҳаво дар чанд гӯшаи Аврупо низ мавҷуд буд.
РӮЗИ ШУМ
Ҳаёти осоиштаи Михаил Шумахер пас аз хотимаи корномаи варзишӣ ҳамагӣ як сол давом карду халос. Моҳи декабри соли 2013 дар истироҳатгоҳи зимистонаи “Мерибел”-и Австралия варзишгар ҳамроҳи писараш машғули лижаронии кӯҳӣ буданд, ки ногоҳ ҳодисаи нохуш рӯй дод. Варзишгар ҳангоми лижаронӣ идораи лижаро аз даст дода, ба харсанги калон бархӯрд мекунад ва дар натиҷа мағзи сараш осеби сахт мебинад.
Соли 2014, пас аз табобат варзишгарро аз Австралия ба Олмон интиқол медиҳанд ва шуруъ аз рӯзи садама то соли 2016 ӯ дар ҳолати беҳушӣ қарор дошт ва танҳо соли 2017 чашмонашро кушод, аммо ҳеҷ аксуламале нишон намедод. Соли 2018 дар шабакаи иҷтимоии “Instagram” сурату наворҳои Шумахер аз беморхона пахш гардид, ки аз беҳтар шудани вазъи саломатиаш шаҳодат медод.
Тибқи маълумотҳо, табиби шахсии варзишгар ҳангоме ки ба ӯ дар соли 2019 сурати базаи лижаронии “Мерибели”-ро нишон медиҳанд аз чашмаш ашк ҷорӣ мешавад ва ин омилро табибон фоли нек арзёбӣ кардаанд.
Ҷарроҳи асаб Эрих Ридерер рӯзи 18-уми сентябр имкониятҳои минбаъдаи Шумахерро шарҳ дода, мегӯяд, ки варзишгар дар оянда метавонад танҳо бо кумаки худ нишинад ва қадамҳои хурд гузорад. Табиб чунин мешуморад, ки мутаассифона ронандаи афсонавии ду қарн дигар имкони пурра сиҳат шуданро надорад. Ридерер чунин мешуморад, ки сабаби чунин оқибатҳои вазнин барои бадани Шумахер таъхири табибон мебошад, ки ҷарроҳии олмониро хеле дер анҷом доданд. Инчунин моҳи декабри соли 2022 таблои “Daily Mail” хабар дод, ки вазъи варзишгар ба таври назаррас беҳтар шудааст.
Бояд гуфт, ки ба хотири табобати Михаил оилааш тӯли ин солҳо зиёда аз 17 млн. эвро сарф кардааст. Дар ҳоли ҳозир бошад, барои табобати ин нобиғаи варзиш 15 табиби касбӣ машғуланд. Писари бузурги Шумахер Мик Шумахер пайроҳаи падарро идома медиҳад ва соли 2022 аз “Формула 3” яку якбора ба “Формула 1” гузариш намуда, чун падараш ширкати “Мерседес-Бенс”-ро намояндагӣ мекунад.
Яҳё МАҲМАДНАБИЕВ, “ҶТ”
МОШИНРОНӢ ДАР 4 – СОЛАГӢ
Михаил Шумахер соли 1969 дар шаҳри Ҳурт – Ҳермюлхайми Олмон дар оилаи устои мошин таваллуд шудааст. Падараш Ролф Шумахер устои мошин ва модараш Элизабет дар мактаб омӯзгор шуда кор мекарданд. Шояд бовар кардан душвор бошад, аммо ин факт ҳақиқат дорад, ки Шумахер дар 4 - солагӣ рондани мошин омӯхту дар 5 - солагӣ бо мошини падар дар шаҳр озодона гаштугузор мекард. Шавқу рағбаташ ба мошину мошинронӣ аз касби падар оғоз ёфт, зеро падараш ҳамарӯза мошин таъмир мекарду Шумахери наврас аз падар пинҳонӣ мошинҳои мизоҷонро дуздида меронд.
Дар баробари мошиндӯстӣ, инчунин ба варзиши ҷудо ва каратэ рағбати беандоза дошт. Ҳанӯз аз 10 – солагӣ Шумахер дар мусобиқаҳои шабонаи мошинронӣ иштирок карда, ҳамеша якум шуда, ба хатти марра мерасид ва ҳамагонро дар ин синну сол ҳайратзада мекард. Ӯ орзу мекард, дар мусобиқаҳои бонуфузи пойгаи мошинҳо иштирок кунад.
Дар 14 – солагӣ вай шаҳодатномаи ронандагӣ гирифт, ки ба ӯ ҳуқуқи дар чемпионатҳои ҷаҳонӣ баромад карданро фароҳам овард, акнун рӯъёҳо ба ҳақиқат павастанд, баъд аз ин майдонҳои бузург ӯро интизор буданд.
БАРОДАРОНИ БОМАҲОРАТ
Бародари хурдии Михаил Ралф Шумахер низ ҳаёти худро ба мусобиқаҳои мошинронӣ бахшидааст. Вай фаъолияти худро дар ин самт пас аз 10 соли фаъ-олияти Михаил оғоз кард ва муваффақ ҳам шуд. Бузургтарин ғалабаи бародарон барои ба даст овардани ҷоизаи “Schumacher Jr” марҳилаи 4-уми ҷоми ҷаҳон дар соли 2001 ба ҳисоб мерафт, ки дар ин мусобиқа Михаил ҷойи аввал ва бародараш ҷойи дуввумро ишғол карда буданд.
ТАСХИРИ “ФОРМУЛА 1”
Фаъолияти касбии Михаил Шумахер дар ҷодаи пойгаи автомобилҳо ва ё ба истилоҳ “гонка” аз соли 1984 оғоз ёфтааст. Шуруъ аз соли 1984 то 1987 Шумахер дар як қатор чемпионатҳои Аврупо ва Олмон иштирок намуда, ҳамвора пирӯз мешуд ва ин пирӯзиҳо диққати ширкатҳои автомобилии “Мерседес” ва “Ферари”-ро ба худ ҷалб кард. Ҳамин буд, ки ин ду абарширкати автомобилӣ бо варзишгар шартномаи ҳамкорӣ бас-танд ва сарпарастиашро ба уҳда гирифтанд.
Мусобиқаи аввалини варзишгар дар “Формула 1” бо муваффақият анҷом ёфт. Вай дар кӯтоҳтарин вақт ба марҳилаи ҳафтуми мусобиқа расид, ки ин барои як наврас натиҷаи хуб буд.
Дар соли 1996, Михаил Шумахер бо “Ферари” қарордоди дубора имзо кард ва шуруъ аз ҳамон сол ӯ бо мошинҳои ширкати “Ферари” вориди мусобиқа мешуд. Акнун ғолибиятҳо шуруъ гардид. Аз оғози соли 1996 то соли 2004 Шумахер дар дилхоҳ мусобиқаҳои “Формула 1” пирӯз мешуд, ки ин рекорд ба ҳеҷ як варзишгари ин ришта даст надодааст. Ин варзишгари бомаҳорат дар фаъолияти варзишии худ 7 маротиба унвони чемпиониро соҳиб шудааст.
ОҒОЗИ НОКОМӢ
Соли 2005 барои Михаил бебарор оғоз ёфт. Ӯ дар чемпионати ҷаҳон, ки дар Боку баргузор гардида буд, ғайричашмдошт бо ферариаш ҷойи севумро ишғол кард ва ҷойи якуми мусобиқа насиби варзишгари Фаронса Фернандо Алонсо гардид. Акнун Шумахер барои мусобиқаи соли 2006 омодагӣ мегирифт ва пайваста тамрин мекард. Соли 2006 низ бахт ба рӯйи варзишгар нахандид, зеро дар ин сол низ рақиби азалиаш - Алонсо унвони чемпиониро моли худ карду ҷойи дуввумро ба Шумахер дод. Баъд аз ду бохти ҳангомавӣ варзишгар ба қароре омад, ки тарки “Формула 1” мекунад ва бо ҳамин карйераи варзишии худро хотима мебахшад. Ӯ дигар мехост дар ширкати “Ферари” на ба ҳайси варзишгар, балки ба ҳайси як коршинос фаъолият намояд. Дере нагузашта дастаи “Мерседес-Бенс” ба варзишгар шартномаи 3-соларо пешниҳод кард ва ӯ таваккал карду ба ин пешниҳод розӣ шуд.
Акнун дар рақобатҳои дигар Шумахер пайваста шикаст мехӯрду бо ҷойи дуввуму севум қаноат мекард, аммо соли 2010 дар чемпионати ҷаҳон ҷои 9-умро ишғол кард, ки ин натиҷа аз мусобиқаҳои баъдӣ дилсардаш кард ва эҳсос намуд, ки пир шудаасту дигар наметавонад, натиҷаи солҳои 2000-умро такрор намояд. Ҳамин буд, ки моҳи октябри соли 2012 расман корномаи варзишии худро хотима бахшид.
ҲАЁТИ ОСОИШТА
Баъди рафтан аз варзиш Михаил бо ҳамсараш Корина Бетх ва фарзандонаш Ҷина ва Мария аз Олмон ба Женеваи Шветсария кӯчиданд ва дар ин шаҳри афсонавӣ зиндагии шоҳонаро оғоз намуданд. Сармояи варзишгар дар он замон марзи 1 миллиардро убур карда буд ва барои зиндагонии арзанда кифоягӣ мекард. Инчунин, дар ихтиёри оила тайёраи шахсӣ ва чандин истироҳатгоҳҳои хубу барҳаво дар чанд гӯшаи Аврупо низ мавҷуд буд.
РӮЗИ ШУМ
Ҳаёти осоиштаи Михаил Шумахер пас аз хотимаи корномаи варзишӣ ҳамагӣ як сол давом карду халос. Моҳи декабри соли 2013 дар истироҳатгоҳи зимистонаи “Мерибел”-и Австралия варзишгар ҳамроҳи писараш машғули лижаронии кӯҳӣ буданд, ки ногоҳ ҳодисаи нохуш рӯй дод. Варзишгар ҳангоми лижаронӣ идораи лижаро аз даст дода, ба харсанги калон бархӯрд мекунад ва дар натиҷа мағзи сараш осеби сахт мебинад.
Соли 2014, пас аз табобат варзишгарро аз Австралия ба Олмон интиқол медиҳанд ва шуруъ аз рӯзи садама то соли 2016 ӯ дар ҳолати беҳушӣ қарор дошт ва танҳо соли 2017 чашмонашро кушод, аммо ҳеҷ аксуламале нишон намедод. Соли 2018 дар шабакаи иҷтимоии “Instagram” сурату наворҳои Шумахер аз беморхона пахш гардид, ки аз беҳтар шудани вазъи саломатиаш шаҳодат медод.
Тибқи маълумотҳо, табиби шахсии варзишгар ҳангоме ки ба ӯ дар соли 2019 сурати базаи лижаронии “Мерибели”-ро нишон медиҳанд аз чашмаш ашк ҷорӣ мешавад ва ин омилро табибон фоли нек арзёбӣ кардаанд.
Ҷарроҳи асаб Эрих Ридерер рӯзи 18-уми сентябр имкониятҳои минбаъдаи Шумахерро шарҳ дода, мегӯяд, ки варзишгар дар оянда метавонад танҳо бо кумаки худ нишинад ва қадамҳои хурд гузорад. Табиб чунин мешуморад, ки мутаассифона ронандаи афсонавии ду қарн дигар имкони пурра сиҳат шуданро надорад. Ридерер чунин мешуморад, ки сабаби чунин оқибатҳои вазнин барои бадани Шумахер таъхири табибон мебошад, ки ҷарроҳии олмониро хеле дер анҷом доданд. Инчунин моҳи декабри соли 2022 таблои “Daily Mail” хабар дод, ки вазъи варзишгар ба таври назаррас беҳтар шудааст.
Бояд гуфт, ки ба хотири табобати Михаил оилааш тӯли ин солҳо зиёда аз 17 млн. эвро сарф кардааст. Дар ҳоли ҳозир бошад, барои табобати ин нобиғаи варзиш 15 табиби касбӣ машғуланд. Писари бузурги Шумахер Мик Шумахер пайроҳаи падарро идома медиҳад ва соли 2022 аз “Формула 3” яку якбора ба “Формула 1” гузариш намуда, чун падараш ширкати “Мерседес-Бенс”-ро намояндагӣ мекунад.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед