Дар рӯзи охири Чемпионати Осиё миёни наврасон оид ба ҷудо дар шаҳри Ҷакартаи Индонезия паҳлавони тоҷик Рошид Неъматов дар вазни то 73 кг медали тилло ба даст оварда, қаҳрамони Осиё гардид.

Дар финали ин вазн Рошид Неъматов бар ҷудокори дигари тоҷик Бобоҷон Шаропов ғолиб омад ва соҳиби медали тилло гардид.

Бобоҷон Шаропов бошад, соҳиби нишони нуқраи Чемпионати Осиё миёни наврасон шуд. 

Рошид Неъматов дар вазни то 73 кг даври аввалро озод паси сар карда, дар даври ҳаштякниҳоӣ Кадек Дви Виная аз Индонезия, дар даври чаҳорякниҳоӣ Субҳон Ҳакимӣ аз Эрон ва дар даври нимниҳоӣ Игор Криволапов аз Қирғизистонро шикаст дода, бо сари баланд ба финал баромад.

Яҳё МАҲМАДНАБИЕВ, “ҶТ”