Ба истиқболи 20–солагии Рӯзи Ваҳдати миллӣ ва “Соли ҷавонон” дар ноҳияи Роштқалъа байни омӯзгорони мактабҳои таҳсилоти ҳамагонӣ мусобиқаи шоҳмот баргузор гардид.

Ба гуфтаи масъулини Бахши ҷавонон, варзиш ва сайёҳии ноҳия дар мусобиқаи мазкур муаллимон аз 20 мактаби ноҳия бо ҳам рақобат карда, аз худ маҳорати хуби шоҳмотбозӣ нишон доданд.

Мувофиқи натиҷаҳои охирин ҷои аввалро Алимамад Каладоров, омӯзгори мактаби № 19, ҷои дуюмро Соқибек Хуросониев, мураббии муассисаи варзишии Роштқалъа ва ҷои сеюмро бошад Давлат Давлатов, омӯзгори мактаби № 35 ишғол намуданд.

Ғолибон аз тарафи Бахши ҷавонон, варзиш ва сайёҳӣ ва Мақомоти иҷроияи маҳаллии ҳокимияти давлатии ноҳия бо ифтихорнома ва туҳфаҳои хотиравӣ қадрдонӣ гардиданд.

 Машҳур ИМОМНАЗАРОВ, “ҶТ”