Дар деҳаи Ёгеди ноҳияи Дарвоз бахшида ба Рӯзи Модар миёни се дастаи ҷавондухтарон мусобиқаи баскетбол гузаронида шуд.

Аз рӯи ҳисоботи умумӣ дар он дастаи “Ваҳдат” ҷойи якумро ишғол намуда, ғолиби мусобиқа гашт. Тими “Сомониён” бошад ҷойи дуюмро ба даст овард.

Ба иттилои Хуршед Ғаффоров, сармутахассиси Бахши кор бо ҷавонон ва варзиши ноҳия, сабқат бо ҳадафи ҷалби бонувон ба машғулиятҳои варзишӣ ва рушди бозии баскетбол дар сатҳи деҳот аз ҷониби бахш роҳандозӣ гардида, қариб ҳамаи дастаҳо дар он маҳорати баланд нишон доданд.

Дар охир ғолибони мусобиқа бо ифтихорномаю медалҳо сарафроз гаштанд.